Chandigarh-Kullu Highway |  एकेकाळी पर्यटकांनी गजबजलेला कुल्लू आज विनाशाचा सामना करत आहे. मुसळधार पावसामुळे महत्त्वाचे रस्ते बंद झाल्यामुळे संपूर्ण परिसर ठप्प झाला आहे. मुसळधार पाऊस आणि भूस्खलनामुळे चंदीगड-कुल्लू महामार्गावर हजारो ट्रक अडकले आहेत.

सुमारे ५० किलोमीटर कोंडीमध्ये अडकलेल्या या ट्रकमध्ये करोडो रुपयांचे सफरचंद, टोमॅटो आणि इतर भाज्या वाया जात आहेत. चंदीगड-कुल्लू महामार्ग लहान वाहनांसाठी खुला करण्यात आला आहे, परंतु ट्रक अजूनही अडकलेले आहेत.

फळे आणि भाज्यांनी भरलेल्या ट्रकची किंमत सुमारे चार ते साडेचार लाख असल्याचा अंदाज आहे. त्यानुसार, ५० कोटींपेक्षा जास्त किमतीचे सफरचंद अडकले आहेत. चंदीगड-मनाली राष्ट्रीय महामार्ग अनेक ठिकाणी ब्लॉक झाला आहे आणि तासन्तास अडकून राहिल्याने प्रवाशांना खूप त्रास सहन करावा लागत आहे. Chandigarh-Kullu Highway |

एक ट्रक चालक गफ्फरने सांगितले की त्याचे सफरचंद साहिबाबाद फळ बाजारात पोहोचणार होते. परंतु कुल्लूमध्ये ५ दिवस अडकल्यामुळे सफरचंद खराब होत आहेत. सफरचंदांनी भरलेला ट्रक चार ते साडेचार लाखांचा होतो. अशा परिस्थितीत आझादपूर मंडी आणि साहिबाबाद मंडीला पोहोचणारे हजारो ट्रक अडकले आहेत. चंदीगड ते कुल्लू राष्ट्रीय महामार्गावर मंडी आणि कुल्लू दरम्यान अर्धा डझन ठिकाणी भूस्खलन झाले आहे. त्यामुळे रस्ते सुरु होण्यास वेळ लागत आहे. Chandigarh-Kullu Highway |

भारतीय राष्ट्रीय महामार्ग प्राधिकरणाचे अभियंता अशोक चौहान म्हणाले की, बियास नदीच्या जोरदार प्रवाहामुळे मनाली आणि कुल्लू दरम्यानचा राष्ट्रीय महामार्ग अनेक ठिकाणी खराब झाला आहे आणि दुरुस्तीचे काम सुरू आहे. कुल्लू शहराजवळील रामशिला परिसरात घरांचे नुकसान झाले आहे आणि प्रशासनाने सुधारणात्मक उपाययोजना कराव्यात. अन्यथा, येणाऱ्या पावसाळ्यात हे ठिकाण इतिहासजमा होईल. Chandigarh-Kullu Highway |

मंगळवार संध्याकाळपासून चांबा येथे ५१ मिमी पाऊस पडला, त्यानंतर धर्मशाळा येथे ४०.४ मिमी, जोत येथे ३८ मिमी, नैना देवी येथे २६.८ मिमी, पालमपूर येथे २२.४ मिमी, कांगडा येथे २१.६ मिमी, बिलासपूर येथे २०.४ मिमी आणि अंब येथे २० मिमी पाऊस पडला.

राज्य आपत्कालीन ऑपरेशन्स सेंटरने सांगितले की हिमाचल प्रदेशातील १२ पैकी १० जिल्ह्यांमध्ये एकूण ५८४ रस्ते बंद आहेत आणि चंबा आणि लाहौल-स्पिती जिल्ह्यांमधून अद्याप अहवाल मिळालेले नाहीत. बंद रस्त्यांपैकी २५९ मंडी जिल्ह्यात आणि १६७ कुल्लूमध्ये आहेत. सुमारे ११५५ वीज पुरवठा ट्रान्सफॉर्मर आणि ३४६ पाणीपुरवठा योजना विस्कळीत झाल्या आहेत.

आतापर्यंत २,६२३ कोटी रुपयांचे नुकसान

२० जून ते २६ ऑगस्ट दरम्यान हिमाचल प्रदेशात पावसाशी संबंधित घटनांमध्ये किमान १५८ लोकांचा मृत्यू झाला आहे, तर ३८ लोक बेपत्ता आहेत. आतापर्यंत राज्यात अचानक आलेल्या पुराच्या ९० घटना, ढगफुटीच्या ४२ घटना आणि ८५ मोठे भूस्खलन झाले आहे. मुसळधार पावसाशी संबंधित घटनांमध्ये राज्यात २,६२३ कोटी रुपयांचे नुकसान झाले आहे. स्थानिक हवामान विभागाने रविवारपर्यंत राज्यातील तीन ते सहा जिल्ह्यांतील काही भागात मुसळधार पावसाचा यलो अलर्ट जारी केला आहे. Chandigarh-Kullu Highway |

हेही वाचा :  

Shirur News : धारिवाल कुटुंबाकडून विठ्ठल मंदिर गणपतीला चांदीचा मुकुट अर्पण