चिंबळी : गेल्या दोन दिवसांपासून खेड तालुक्यात सुरू असलेल्या मुसळधार पावसामुळे औद्योगिक क्षेत्रातील ग्रामीण भागाला मोठा फटका बसला आहे. चिंबळी आणि कुरुळी परिसरातील विविध गावांतील वीजपुरवठा आज, सोमवार (दि. ६) रोजी पहाटेपासून पूर्णपणे खंडित झाला आहे. यामुळे नागरिक आणि स्थानिक उद्योगांना अंधाराचा सामना करावा लागत आहे.

दोन दिवस सुरू असलेल्या मुसळधार पावसामुळे वीज यंत्रणेवर ताण आला आहे. तसेच सोमवार पहाटेपासूनच चिंबळी, कुरुळी आणि परिसरातील अनेक गावांचा वीजपुरवठा अचानक खंडित झाला. अचानक वीज गेल्यामुळे नागरिकांचे बाष्पीभवन, पाणीपुरवठा आणि दैनंदिन कामे ठप्प झाली आहेत.

हा भाग औद्योगिक पट्ट्यात येत असल्याने छोट्या-मोठ्या कारखान्यांमधील उत्पादनावर याचा परिणाम झाला आहे. सततच्या पावसामुळे तांत्रिक बिघाड दुरुस्त करण्यात महावितरणच्या कर्मचाऱ्यांना अडचणी येत आहेत. मात्र, वीजपुरवठा लवकरात लवकर पूर्ववत करण्यासाठी प्रशासनाकडून युद्धपातळीवर प्रयत्न सुरू आहे.

हेही वाचा: 

Dark Chocolate: चॉकलेट खाऊनही राहू शकता फिट? जाणून घ्या डार्क चॉकलेटचे आरोग्यदायी फायदे