Shiv Sena Hearing:  सर्वोच्च न्यायालयात आज 2 सप्टेंबर रोजी शिवसेना पक्ष आणि धनुष्यबाण चिन्हाच्या वादावर सुनावणी होणार आहे. ठाकरे गटाकडून वकिल कपिल सिब्बल आणि देवदत्त कामत यांनी युक्तीवाद केला. त्यांनी केलेल्या युक्तीवादाची मोठी चर्चा झाली.

ठाकरे गटाकडून कपिल सिब्बल आणि देवदत्त कामत यांच्याकडून जोरदार युक्तिवाद झाला. ज्यात ठाकरे गटाकडून निवडणूक आयोग आणि विधानसभा अध्यक्षांनी शिवसेना पक्ष आणि चिन्ह एकनाथ शिंदेंकडे सोपवताना कसे एकतर्फी निर्णय घेतला, यावर बाजू मांडण्यात आली. तसेच ठाकरेंकडून शिवसेनेचं चिन्ह गोठवण्याची मागणी करण्यात आली.

आजपासून शिंदे गटाकडून युक्तीवादाला सुरुवात

यानंतर आजपासून शिंदे गटाकडून युक्तीवादाला सुरुवात होणार आहे. शिंदेंच्या शिवसेनेकडून मुकुल रोहतगी, निरज किशन कौल हे युक्तीवाद करतील. पक्ष आणि चिन्ह शिंदे गटाकडे राहावे यासाठी कायद्याच्या सर्व बाजूंचा अभ्यास करून सुप्रीम कोर्टात बाजू मांडण्यात यावी असा एकनाथ शिंदेंचा प्रयत्न आहे. यासाठी एकनाथ शिंदे काल दुपारनंतर दिल्लीसाठी रवाना झाले होते, यावेळी त्यांनी वकिलांसोबत चर्चा केल्याचेही म्हंटले जात आहे.

“धनुष्यबाण हे निवडणूक चिन्ह आमच्यासाठी श्रद्धेचा विषय आहे. ते चिन्ह गोठवण्याची न्यायालयात मागणी करणे हा बाळासाहेब ठाकरे यांच्याबद्दल आदर बाळगणाऱ्या सर्व शिवसैनिकांचा अपमान आहे आणि त्यांच्यासाठी ही अत्यंत दुर्दैवी बाब आहे,” अशी प्रतिक्रिया एकनाथ शिंदेंनी सुनावणीआधी दिली.

हेही वाचा: 

Phaltan: डॉ. रुपनवर आत्महत्याप्रकरणी दोषींवर कारवाई करावी, फलटणच्या उपजिल्हा रुग्णालयासमोर आंदोलन