Haryana Election 2024 ।  हरियाणा आणि जम्मू-काश्मीरमध्ये झालेल्या विधानसभा निवडणुकीसाठी आज मंगळवारी मतमोजणी सुरू आहे. सुरुवातीच्या ट्रेंडनुसार, हरियाणामध्ये काँग्रेस पुढे आहे. तर जम्मू आणि काश्मीरमध्ये भाजपसोबत रंगतदार लढत आहे.

त्याचवेळी विधानसभा निवडणुकीच्या निकालापूर्वी निवडणूक रणनीतीकार आणि जन सूरज पक्षाचे समन्वयक प्रशांत किशोर यांनी मोठे वक्तव्य केले होते. नऊ राज्यांमध्ये होणाऱ्या विधानसभा निवडणुका पंतप्रधान नरेंद्र मोदी यांच्या नेतृत्वाखालील एनडीए सरकारची दिशा आणि स्थिरता ठरवतील, असे ते म्हणाले होते.

Haryana Election 2024 । प्रशांत किशोर यांनी केला मोठा दावा 
9 राज्यांच्या (जम्मू-काश्मीर, दिल्ली, हरियाणा, महाराष्ट्र, झारखंड, बिहार, पश्चिम बंगाल, तामिळनाडू आणि आसाम) विधानसभा निवडणुकांचे निकाल या सरकारची स्थिरता ठरवतील. सरकार कोणती दिशा घेणार हे आजचा निकाल ठरवणार आहे. या नऊपैकी पाच-सहा राज्यांमध्ये भाजपचा पराभव झाला, तर स्थिरतेचा प्रश्न नक्कीच निर्माण होईल.

ते पुढे म्हणाले,’लोकांनी पंतप्रधान मोदींना स्पष्ट संदेश दिला आहे की,’तुम्ही देव नाही त्यामुळे हुकूमसारखे सरकार चालवू नका तुम्ही लोकशाहीवादी  नेत्यासाखे सरकार चालवा. असे किशोर यांनी सांगितले.

Haryana Election 2024 ।  भाजपला मोठा धक्का बसला आहे
हरियाणा आणि जम्मू-काश्मीर विधानसभा निवडणुकीची मतमोजणी सुरू झाली आहे. हरियाणातील सुरुवातीच्या ट्रेंडमध्ये काँग्रेसला बहुमत दिसत होते. पण काही काळानंतर चित्र बदलली. आता या दोघांमध्ये चुरशीची स्पर्धा पाहायला मिळत आहे. त्याचबरोबर जम्मू-काश्मीरमध्ये काँग्रेस आघाडी बहुमताच्या जवळ आहे. जम्मू-काश्मीर आणि हरियाणा या दोन्ही ठिकाणी भाजपला मोठा धक्का बसल्याचे सुरुवातीच्या ट्रेंडवरून स्पष्ट झाले आहे.