कालपासून सुरू असलेल्या मतमोजणीच्या सुरुवातीच्या फेऱ्यांमध्ये स्मिता जाधव यांनी आघाडी घेतली होती. मात्र, पुढील फेऱ्यांमध्ये हर्षदा देशमुख जाधव यांनी मुसंडी मारत आपली आघाडी मजबूत केली. मध्यरात्री दोन वाजेपर्यंतच्या आकडेवारीनुसार, हर्षदा देशमुख जाधव यांना १ लाख १२ हजार ४०० मते मिळाली. विजयासाठी आवश्यक असलेला १ लाख १३ हजार ११३ मतांचा कोटा पूर्ण करण्यासाठी त्यांना आणखी ७१३ मतांची गरज आहे.

दुसरीकडे, महायुतीच्या स्मिता जाधव यांना १ लाख २ हजार मते मिळाली होती. त्यामुळे हर्षदा देशमुख जाधव यांची आघाडी कायम राहिल्यास महायुतीला पर्यायाने भाजपला पुणे पदवीधर मतदारसंघात मोठा धक्का बसण्याची शक्यता व्यक्त केली जात आहे.

या निवडणुकीत दोन्ही उमेदवारांमध्ये मतमोजणीच्या सुरुवातीपासूनच चुरस पाहायला. सुरुवातीच्या फेऱ्यांमध्ये आघाडीवर असलेल्या स्मिता जाधव यांना मागे टाकत हर्षदा देशमुख जाधव यांनी निर्णायक आघाडी मिळवली. त्यामुळे आता अंतिम निकालाकडे राजकीय वर्तुळाचे लक्ष लागले आहे.

दरम्यान, या निवडणुकीत एकूण १७ हजार २९९ मते बाद ठरवण्यात आली. पुणे पदवीधर मतदारसंघात यंदा ६२.७६ टक्के मतदानाची नोंद झाली होती. मतमोजणीच्या अंतिम टप्प्यातील आकडेवारी आणि अधिकृत निकाल जाहीर झाल्यानंतरच विजयावर शिक्कामोर्तब होणार आहे.

Rajgurunagar : वाडा रस्त्यावर अपघातांचा धोका वाढला