Hardik Pandya : अभिनेत्री अमिषा पटेल वयाच्या पन्नाशीतही सिंगल जीवन जगत आहे. मात्र तिच्या अभिनय कारकि‍र्दीत अनेकांसोबत तिचं नाव जोडलं गेलं. आता वयाच्या ५१ व्या वर्षी अमिषा पटेलचं नाव भारतीय क्रिकेटपटू हार्दिक पांड्यासोबत जोडलं जात आहे.

अलिकडेच सोशल मीडियावर अमिषा आणि हार्दिक पांड्याचा एक व्हिडीओ समोर आला होता. हे दोघेही एकाच पार्टीला गेले होते आणि त्यांचा एक व्हिडिओ सोशल मीडियावर व्हायरल झाला.

सोशल मीडियावर व्हिडीओ व्हायरल 

अमिषा आणि हार्दिक पांड्या यांचा हा व्हिडीओ एका युजरने सोशल मीडियावर शेअर करत म्हटलं, “बंगळुरू येथील एका हॉटेलमध्ये पार्टीदरम्यान अमिषा पटेलने ज्या पद्धतीने हार्दिक पंड्याच्या खांद्यावर हात ठेवला, त्यावरून असं वाटतंय रेडिटवरील सर्व अफवा आता खऱ्या ठरणार आहेत.”

हार्दिकसोबत एका पार्टीत अमिषा संवाद साधताना दिसल्यानंतर सोशल मीडियावर दोघांच्या नात्याबाबत तर्क-वितर्क लावले जात होते, त्यावर अमिषाने स्पष्टीकरण दिले आहे.

The way Ameesha Patel put her hand on Hardik Pandya’s shoulder during the party at a hotel in Bengaluru. 👀

All the Reddit rumours seem to be coming true. pic.twitter.com/VJ7945fHus

— Sonu (@Cricket_live247) September 5, 2026

अमिषा पटेलचे सडेतोड उत्तर 
अमिषा पटेलने व्हायरल व्हिडीओबाबत म्हंटले की, “हो, अगदी बरोबर, तुम्ही बरोबर आहात. ज्या पद्धतीने मी त्याच्या खांद्यावर हात ठेवला होता, ते खरंच खूप रोमँटिक होतं.”

त्यानंतर तिने त्या युजरला टोला लगावत “मी तुला ओळखत नाही, पण तुझी एकही मुलगी मैत्रीण नसेल, असं मला वाटतं. अशा गोष्टी पोस्ट करण्याआधी तू एक मैत्रीण बनवलेलीच बरी,” असे म्हंटले आहे.

अभिनेत्री अमिषा पटेलच्या कामाबद्दल बोलायचं झालं तर, २००० मध्ये आलेल्या ‘कहो ना… प्यार है’ या चित्रपटाने प्रचंड लोकप्रियता मिळवून दिली. यानंतर ‘गदर: एक प्रेम कथा’, ‘हमराज’ आणि ‘रेस २’ सारखे चित्रपट केले. अलिकडेच ती ‘गदर-२’ मध्ये दिसली.

तर हार्दिक पांड्या सध्या मॉडेल माहिका शर्मासोबत रिलेशनशिपमध्ये आहे. क्रिकेटपटूने २०२५ मध्ये इंस्टाग्रामवर माहिकासोबतचे आपले नाते जाहीर केले होते. याआधी त्याचा विवाह अभिनेत्री नताशा स्टेनकोविकसोबत झाला होता.

हेही वाचा: 

Bath After Meal: जेवण झालंय? मग लगेच अंघोळीला जाऊ नका! जाणून घ्या त्याचे परिणाम