मुंबई –  ‘हर हर शंभू’ गाणे गाऊन प्रसिद्धीच्या झोतात आलेली १८ वर्षीय गायिका अभिलिप्सा पांडा हिच्या आवाजाची जादू सध्या सर्वत्र दिसून येत आहे. अभिलिप्सा आणि जीतू शर्मा यांच्या गाण्यांना 72 मिलियन पेक्षा जास्त व्ह्यूज मिळाले आहेत. हर हर शंभूच्या व्हायरल गाण्याच्या यशानंतर तिचे अनेक व्हर्जन तयार करण्यात आले आहेत. हे गाणे गाऊन फरमाणी नाजही हिट झाली आहे. फरमाणी नाझची लोकप्रियता वाढल्यानंतर दोन्ही गाण्यांच्या गायकांमध्ये कॉपीराइटचा मुद्दा अडकला आहे.

 

View this post on Instagram

 

A post shared by @official_bhumi5576

मूळ गायक जीतू शर्मा यांनी फरमाणी यांच्याकडे श्रेय मागितले आहे,’अन्यथा कायदेशीर कारवाई करू’ असे त्यांनी सांगितले. या वादा दरम्यानच सोशलवर काही ट्विट चांगलेच व्हायरल होत आहे. अभिलिप्साच्या ट्विटरवरील वादग्रस्त ट्विट सध्या चांगलेच चर्चेत आले आहे.    हे ट्विट्स  खूप वादग्रस्त आहेत. तीची भाषा आणि शब्द दोन्ही कठोर आहेत.

सर्व ट्विट्स बनावट आहेत, जे फेक अकाऊंटवरून केले जातात. या बनावट अकाऊंट्सवर दिसणार्‍या फॉलोवर्सची संख्या पाहून तुम्हीही ते खरे समजाल, पण तसे नाही.  या खात्यांवर अजिबात विश्वास ठेवण्याची गरज नाही. अभिलिप्सा पांडा इन्स्टा आणि यूट्यूबवर उपस्थित आहे. @Abhi_30_Lipsa असा त्याच्या ट्विटर अकाउंटचा आयडी आहे. अभिलिप्साच्या नावाने सोशल मीडियावर अनेक बनावट खाती आहेत. याआधी फरमानी नाजच्या बनावट अकाउंटवरून हिंदू धर्म स्वीकारल्याचे उघड झाले होते. जे फरमानीने चुकीचे सांगितले होते.