नवी दिल्ली: दिल्लीतील ग्रेटर कैलाशमध्ये एका जिम चालकाची गोळी झाडून हत्या करण्यात आली. नादिर शाह असे मृत जिम चालकाचे नाव आहे. या प्रकरणाची माहिती देताना पोलिसांनी सांगितले की, दक्षिण दिल्लीतील ग्रेटर कैलास भागात गुरुवारी संध्याकाळी उशिरा ही घटना घडली.

या घटनेनंतर जिम चालकांच्या मित्रांनी त्याला रुग्णालयात नेले, मात्र तोपर्यंत त्याचा मृत्यू झाला होता. पोलिसांनी आरोपीविरुद्ध गुन्हा दाखल करून पुढील तपास सुरू केला आहे. नादिर शाह हा अफगाण वंशाचा रहिवासी असल्याचे सांगितले जात आहे, तो पोलिसांचा खबरीही होता. पोलिसातील अनेक अधिकारी नादिरचे मित्र होते, ज्यांच्याशी तो नियमित भेटत असे.

ही घटना रात्री 10.30 च्या सुमारास नादिर जिमच्या बाहेर उभा असताना एक मुलगा आला आणि त्याच्यावर गोळीबार केला. मिळालेल्या माहितीनुसार, दिल्ली पोलिसांना सुमारे 6-8 राऊंड गोळीबार झाल्याची बातमी मिळाली आहे. लॉरेन्स बिश्नोई टोळीशिवाय रोहित गोदारा टोळीनेही या हल्ल्याची जबाबदारी स्वीकारली आहे.

सोशल मीडियावर रोहित गोदाराच्या नावाने एक पोस्ट व्हायरल होत आहे. त्यात लिहिले आहे की, रोहित गोदरा बिकानेर गोल्डी ब्रार, दिल्लीत आज नादिरचा खून झाला, तो आम्ही केला. आमचा भाऊ समीर बाबा तुरुंगात आहे, त्यांनीच आम्हाला नादिरला संपवायला सांगितले, तो आमच्या भावाचा शत्रू होता.