Gunaratna Sadavarte : दिल्लीतील विद्यार्थ्यी आंदोलनाला यश आल्यानंतर देशभरातून कॅाक्रोच जनता पार्टीसह या आंदोलनात सहभागी झालेल्या तरुणाचं कौतुक करण्यात आलं. ३५ दिवस चाललेल्या या आंदोलनातून कॅाक्रोच जनता पार्टीने केंद्र सरकारपुढे मोठं आव्हान उभं केलं होतं.

या पार्टाचे नेतृत्व करणारे अभिजीत दिपके यांना सुरुवातीला हवा तसा प्रतिसाद मिळाला नाही; पण आंदोलनात पर्यावरणप्रेमी सोनम वांगचुक यांनी पाठिंबा देत आंदोलनात सहभागी झाल्यानंतर हे आंदोलन देशभरात चर्चेत आले. सर्व स्तरातून झेन झीं चे कौतुक होत असताना खासदार कंगना रणौतने झेन झी बाबत एक वक्तव्य केलं होतं.

या वक्तव्यामुळे कंगनावर मोठ्या प्रमाणार टीका करण्यात आली. त्यानंतर सोशल मीडियावर एक व्हिडिओ शेअर कंगनाने आपल्या वक्तव्याचा विपर्हास केल्याचा दावा केला होता. कंगनाने केलेल्या जीन झी वक्तव्याचे पडसाद अजूनही मिटलेले नाहीत. यावर आता प्रसिद्ध वकील गुणरत्न सदावर्ते यांनी कंगना यांच्या वक्तव्याचा खरपूस समाचार घेत एक मोठी मागणी केली आहे.

 

कंगना रणौतने संसद आवारात प्रतिक्रिया देताना तरुणाईला थेट गटरछाप म्हणून हिणवलं होतं. यामुळे या पिढीमध्ये मोठा रोष निर्माण झाला होता. कंगना राणौत यांच्यावर टीकेचा भडिमार करण्यात आला. कंगना राणौत यांनी जी काही वक्तव्ये केली आहेत, त्याबाबत माफी मागावी अशी मागणी प्रसिद्ध वकील गुणरत्न सदावर्ते यांनी केली आहे. तसेच त्यांनी राष्ट्रीय स्वयंसेवक संघाचे सरसंघचालक मोहन भागवत यांचेही नाव घेत कंगनावर निशाणा साधला.

नेमकं काय काय म्हणाले गुणरत्न सदावर्ते?  (Gunaratna Sadavarte)

“कंगना राणौत यांनी जी काही वक्तव्ये केली आहेत, त्याबाबत त्यांनी माफी मागावी. युवकांनी कंगना राणौत यांच्या सिनेमातील एकाही फोटोवर टीका केलेली नाही. मोदींनीही युवकांना त्यांच्या निर्णय प्रक्रियेत घेतलेले आहे. कंगना राणौत या मोहन भागवत यांच्यापेक्षा मोठ्या नाहीत.” पुढं सीजेपीचे प्रमुख अभिजीत दिपके यांच्यावर टीका करताना सदावर्ते म्हणाले “अभिजीत दीपके जे काही बोलत आहेत, ते समजण्याच्या पलीकडे आहे. त्यांनी प्रसिद्धीसाठी काहीही करू नये.”

Natasha Awhad : ‘ईश्वराचा संकेत म्हणून…’; जितेंद्र आव्हाडांच्या मुलीची पोस्ट चर्चेत, म्हणाल्या ‘तेव्हा काहीतरी…’