Gunmaster G9 Film:  अभिनेता  इमरान हाश्मीच्या ‘आवारापन २’ या चित्रपटाला मोठा प्रतिसाद मिळत आहे. या चित्रपटाच्या यशानंतर ‘गनमास्टर जी९’ या चित्रपटात दिसणार आहे. नुकताच या चित्रपटाचा टीझर रिलीज झाला आहे. विशेष म्हणजे यात त्याच्यासोबत अभिनेत्री जिनिलीया देशमुख मुख्य भूमिकेत झळकणार आहे.

टीझरमध्ये इमरान आणि जिनिलीया दोघांचेही काही रोमँटिक सीन्स दिसत आहेत. अनेक वर्षांनंतर जिनिलीया पुन्हा एकदा मॉडर्न लुकमध्ये पाहायला मिळणार आहे. हा चित्रपट ॲक्शन-ड्रामा थ्रिलर चित्रपट असणार आहे. यामध्ये इमरान हाश्मी एका दूधवाल्याच्या भूमिकेत दिसत असून तो महादेवाचा भक्त आहे. या चित्रपटाचे दिग्दर्शन आदित्य दत्त यांनी केले आहे. Gunmaster G9 Film

जवळपास दोन दशकांनंतर इमरान हाश्मी, हिमेश रेशमिया आणि आदित्य दत्त हे त्रिकुट ‘गनमास्टर जी९’च्या निमित्ताने पुन्हा एकदा एकत्र आले आहे. याआधी या तिघांनी २००५ मध्ये एकत्र काम केलं होतं. या चित्रपटाचे संगीत हिमेश रेशमियाने तयार केले आहे.

हिमेश रेशमिया यांच्या गाण्यांची तरुणांमध्ये प्रचंड क्रेझ होती. ‘आशिक बनाया आपने’ आणि ‘अक्सर’सारख्या चित्रपटांसाठी दोघांनी एकत्र काम केलं. आता ही सुपरहिट जोडी ‘गन मास्टर जी ९’ च्या निमित्ताने पुन्हा एकदा एकत्र येत आहे.

‘गनमास्टर जी९’ हा चित्रपट २७ नोव्हेंबर २०२६ रोजी चित्रपटगृहांमध्ये प्रदर्शित होणार आहे. यात इमरान हाश्मी, जिनिलीया डिसुझा यांच्यासह अपारशक्ती खुराना आणि नवोदित अभिनेता अभिषेक सिंह महत्त्वाच्या भूमिकेत आहेत.

हेही वाचा: 

Nevase News : विद्यार्थ्यांच्या चेहऱ्यावर फुलले हसू; त्रिमूर्ती महाविद्यालयात रंगला विद्यार्थ्यांचा फ्रेशर पार्टी सोहळा