Gujarat Plane Crash । गुजरातमधील अहमदाबाद याठिकाणी आज दुपारी  एअर इंडियाचे प्रवासी विमान बोईंग ७३७ कोसळले आहे.  अपघाताचे भयानक फोटो समोर येत आहेत. अहमदाबादमधील मेघानीनगर भागात आगीच्या मोठ्या ज्वाळा दिसल्या. त्याच वेळी, काळ्या धुराचे ढग दूरवरून दिसतात. या विमानात २४२ प्रवासी होते. सर्वांचा मृत्यू झाला असल्याची भीती व्यक्त केली जात आहे.

सुरुवातीच्या माहितीनुसार, सरदार वल्लभभाई पटेल आंतरराष्ट्रीय विमानतळावर हा दुर्दैवी अपघात झाला. विमानतळाच्या सीमेजवळ विमान कोसळल्याचे मानले जात आहे. समोर आलेल्या सुरुवातीच्या छायाचित्रांमध्ये विमानाचे तुकडे तुकडे झाल्याचे दिसून येते. मदत आणि बचाव कार्य सुरू आहे. Gujarat Plane Crash । 

चित्रात विमानाचा एक पंख तुटून पडला आहे असे दिसते. अग्निशमन दलाचे जवान पाणी फवारून आग आटोक्यात आणण्याचा प्रयत्न करत आहेत. सध्या आग काही प्रमाणात आटोक्यात आली आहे. हा अपघात झाला तेव्हा विमान विमानतळावरून उड्डाण घेत होते. हे विमान एअर इंडियाचे असू शकते.

An Air India plane with 242 passengers onboard has crashed in Gujarat’s Ahmedabad, confirms the State Police Control Room

More details awaited pic.twitter.com/RPAYU8KfUM

— ANI (@ANI) June 12, 2025

सर्वत्र गोंधळाचे वातावरण आहे, हा भीषण अपघात पाहून लोक घाबरले आहेत आणि इकडे तिकडे धावत आहेत. विमान पूर्णपणे खराब झाले आहे. विमानाचा बहुतांश भाग जळून खाक झाला आहे. ज्या इमारतीवर विमान कोसळले त्या इमारतीचेही नुकसान झाले आहे.

विमानतळाजवळ एक सिव्हिल हॉस्पिटल आहे, जिथे सर्व डॉक्टरांच्या रजा रद्द करण्यात आल्या आहेत. आतापर्यंत उपलब्ध असलेल्या माहितीनुसार, अहमदाबादहून उड्डाण केलेले हे विमान लंडनच्या दिशेने जात होते. Gujarat Plane Crash ।