पोरबंदर : गुजरातमधील पोरबंदरमध्ये बुधवारी सकाळी एक मोठा अपघात घडला. येथील चौपाटी मेळा मैदानावर रामदेवपीर मंडप महोत्सवादरम्यान 50 फूट उंच मंडप गर्दीवर कोसळला. या अपघातात एकाचा मृत्यू झाला, तर १६ भाविक जखमी झाले. जखमींना पोरबंदर सिव्हिल हॉस्पिटलमध्ये दाखल करण्यात आले आहे. यावेळी हजारो भाविक जमले होते. सकाळी १० वाजण्याच्या सुमारास शुभ मुहूर्तावर ५० फूट उंच मंडप सजवण्यात येत होता. या दरम्यान गर्दीवर मंडप कोसळला. अपघातानंतर मैदानात चेंगराचेंगरी झाली. मंडपाला धडकल्याने एक जण गंभीर जखमी झाला, ज्याचा मृत्यू झाला. तथापि, इतर १६ जणांना किरकोळ दुखापत झाली आहे. या अपघातात वनराजभाई नवघनभाई गोरानिया नावाच्या वृद्ध व्यक्तीचे डोक्याला दुखापत झाल्याने निधन झाले. वनराजभाई गोरानिया हे सरकारी रुग्णालयात सुरक्षा रक्षक म्हणून काम करायचे. रात्रीची ड्युटी केल्यानंतर ते सकाळी मंडप पाहण्यासाठी जत्रेच्या मैदानात आले होते. यादरम्यान, मंडप थेट त्यांच्यावर पडला.
