IPS Transfers 2026 : राज्यातील आगामी स्थानिक स्वराज्य संस्थांच्या निवडणुकांच्या पार्श्वभूमीवर सरकारने पोलिस विभागात मोठा फेरबदल केला आहे. राज्य सरकारने ३७ आयपीएस अधिकाऱ्यांच्या बदल्या करत त्यांना नवीन जबाबदाऱ्या सोपवल्या आहेत. या बदल्यांमध्ये गुजरात केडरमधील वरिष्ठ आयपीएस अधिकारी डॉ. शमशेर सिंग यांची महत्त्वपूर्ण नियुक्ती करण्यात आली आहे. त्यांना नागरी संरक्षणासह होमगार्ड प्रमुख पदाची जबाबदारी देण्यात आली आहे. यापूर्वी ते सीमा सुरक्षा दल (BSF) मध्ये कार्यरत होते आणि वर्षाच्या सुरुवातीला ते गुजरातमध्ये परतले होते. निर्लिप्त राय यांच्याकडे राजकोट रेंजची जबाबदारी २०१० बॅचचे आयपीएस अधिकारी निर्लिप्त राय यांच्याकडे राजकोट रेंजची जबाबदारी सोपवण्यात आली आहे. ते यापूर्वी स्टेट मॉनिटरिंग सेल (SMC) चे प्रभारी होते. कठोर आणि शिस्तप्रिय अधिकारी म्हणून त्यांची ओळख आहे. परिक्षिता राठोड यांना बनासकांठा विभागाची जबाबदारी २००७ बॅचच्या आयपीएस अधिकारी परिक्षिता राठोड यांना बनासकांठा विभागाच्या आयजीपदी नियुक्त करण्यात आले आहे. त्या यापूर्वी CID क्राइममध्ये आयजी पदाची जबाबदारी सांभाळत होत्या. तसेच २००९ बॅचच्या आयपीएस अधिकारी विधी चौधरी यांची पंचमहल-गोधरा विभाग येथे डीआयजी म्हणून नियुक्ती करण्यात आली आहे. त्या यापूर्वी अहमदाबाद शहरात अतिरिक्त पोलिस आयुक्त (विशेष शाखा) म्हणून कार्यरत होत्या. दरम्यान, २०१० बॅचच्या आयपीएस अधिकारी डॉ. लीना पाटील यांची वडोदरा येथील अतिरिक्त आयुक्त (गुन्हे व कायदा-सुव्यवस्था) पदावरून पोलिस अकादमीत बदली करण्यात आली आहे. या अधिकाऱ्यांवरही मोठी जबाबदारी परीक्षिता राठोड – आयजी, बनासकांठा विभाग राघवेंद्र वत्स – आयजी, अहमदाबाद विभाग आर. व्ही. अन्सारी – आयजी, भावनगर विभाग मयूर पाटील – डीसीपी, झोन-८ अहमदाबाद डॉ. करण राज वाघेला – अतिरिक्त सीपी (गुन्हे), सुरत पी. एल. माल – अतिरिक्त संचालक, ACB गुजरात मकरंद चौहान – डीआयजी (कायदा व सुव्यवस्था) याशिवाय २००३ बॅचचे आयपीएस अधिकारी अशोक कुमार यांची गांधीनगर येथे CID (गुप्तचर) आयजी म्हणून बदली करण्यात आली आहे.