नवी दिल्ली – कोविड-19 च्या प्रसाराच्या काळात स्वतःचा जीव धोक्‍यात घालून, घरोघरी गॅसचा पुरवठा करणाऱ्या कर्मचाऱ्यांसोबत, काही दुर्दैवी घटना(मृत्यू) झाल्यास त्यांना मदत म्हणून 5 लाख रुपयांपर्यंतचे सानुग्रह अनुदान देण्याची घोषणा, सार्वजनिक क्षेत्रातील IOCL, BPCL आणि HPCL या तेल विपणन कंपन्यांनी केले आहे. या काळात सेवा देणारे सर्व कर्मचारी, म्हणजे दुकानातील सेवक वर्ग, गोदामातील कामगार, डिलिव्हरी कर्मचारी अशा सर्वांना हे अनुदान लागू असेल.

स्वयंपाकाचा गॅस ही अत्यावश्‍यक वस्तू असल्याने लॉकडाऊनमधून त्याच्या पुरवठ्याला वगळण्यात आले आहे. या कसोटीच्या काळात या क्षेत्रातील कर्मचारी ही पुरवठा साखळी सुरळीत चालू राहावी म्हणून कार्यरत आहेत.

तेल कंपन्यांच्या या निर्णयाचे पेट्रोलियम मंत्री धर्मेंद्र प्रधान यांनी स्वागत केले आहे. भारतीय तेल कंपन्यांनी घेतलेला हा निर्णय मानवतेच्या दृष्टिकोनातून कौतुकास्पद असून, या काळात सेवेत असलेल्या कर्मचाऱ्यांप्रती सद्‌भावना व्यक्त करणारा आहे. आपल्या सर्व कामगार आणि कर्मचाऱ्यांचे हित जपणे ही आपली सर्वोच्च प्राथमिकता असायला हवी. असे प्रधान यांनी यासंदर्भात केलेल्या ट्‌विटमध्ये म्हटले आहे.