Baramati : बारामती-भिगवण रस्त्याच्या बाजूला असलेल्या जैन मंदिरासमोर आर. एस. ब्रदर्स या प्रसिद्ध फॅशन ब्रँडच्या नव्या शोरूमचे भव्य उद्घाटन करण्यात आले. त्यामुळे आता दिवाळीच्या शुभमूहर्तावर बारामतीकरांना एकाच छताखाली पारंपरिक आणि आधुनिक फॅशनचा अनोखा अनुभव घेता येणार आहे.

पी. वेंकटेश्वरलू, एस. राजामौली, टी. प्रसाद राव आणि दिवंगत पी. सत्यनारायण या दूरदृष्टी असलेल्या संस्थापकांनी आर. एस. ब्रदर्सची स्थापना केली. परंपरा आणि आधुनिक फॅशन यांचा सुरेख संगम साधत या ब्रँडने देशभरातील ग्राहकांच्या मनात आपले स्थान निर्माण केले आहे. कुटुंबातील प्रत्येक सदस्यासाठी आकर्षक कपडे आणि खरेदीचा उत्तम अनुभव देण्यावर ब्रँडचा नेहमीच भर राहिला आहे.

अभिनेत्री नेहा पेंडसची विशेष उपस्थिती

या नव्या शोरूमचे उद्घाटन १ नोव्हेंबर रोजी सकाळी ११ वाजून ११ मिनिटांनी उत्साहपूर्ण वातावरणात पार पडले. या सोहळ्याला लोकप्रिय अभिनेत्री नेहा पेंडसे यांची विशेष उपस्थिती लाभली. अभिनेत्रीच्या उपस्थितीमुळे कार्यक्रमाची रंगत आणखी वाढली. यावेळी नेहा पेंडसेने आर. एस. ब्रदर्सच्या कलेक्शनचे कौतुक केले. ती म्हणाली, “आर. एस. ब्रदर्स हा असा ब्रँड आहे, जो परंपरा आणि आधुनिक फॅशन ट्रेंड्स यांचा सुरेख मेळ घालतो. त्यांचे सण-उत्सव आणि लग्नसराईसाठीचे कलेक्शन खरोखरच अप्रतिम आहे. बारामतीतील त्यांच्या नव्या शोरूमच्या शुभारंभासाठी उपस्थित राहून मला खूप आनंद झाला.”