Govinda sunita divorce: बॉलिवूड अभिनेता गोविंदा आणि त्याची पत्नी सुनीता अहुजा यांच्या घटस्फोटाच्या चर्चांनी मागच्या काही दिवसांत जोर धरला होता. अगदी सुनीताने कोर्टात अर्ज दाखल केला असल्याच्या अफवाही पसरल्या होत्या. मात्र या सगळ्या चर्चांवर स्वतः सुनीतानेच प्रतिक्रिया देत त्यांना पूर्णविराम दिला आहे.

गणेशोत्सवाच्या शुभमुहूर्तावर गोविंदा आणि सुनीताच्या घरी बाप्पाचं आगमन झालं. यावेळी माध्यमांनी त्यांना घटस्फोटाच्या चर्चांबाबत विचारणा केली. त्यावर “आम्हाला कोणीही वेगळं करू शकत नाही. देव किंवा सैतान आला तरी आम्ही कधीही वेगळे होणार नाही. एका चित्रपटात डायलॉग होता, माझा नवरा फक्त माझा आहे, तसंच माझा गोविंदा फक्त माझा आहे”, असं ठामपणे सुनीता म्हणाली.

तिनं पुढे सांगितलं, “आज आम्हाला सोबत पाहून तशी अफवा पसरवणाऱ्यांना उत्तर मिळालं आहे. जर आमच्यात दुरावा असता तर आम्ही इतक्या जवळ असतो का? आम्ही काही बोलत नाही तोपर्यंत कुणीही अंदाज लावू नका.”

त्याच वेळी सुनीताने सर्वांना गणेशोत्सवाच्या शुभेच्छा दिल्या आणि म्हटली, “गणरायाच्या आशीर्वादाने प्रत्येक नवं कार्य सुरू होतं. सर्वांनी आनंदात उत्सव साजरा करावा.”

दुसरीकडे, गोविंदाने माध्यमांशी बोलताना गणपतीच्या कृपेने कुटुंबातील अडचणी दूर होतात, असं सांगितलं. मात्र घटस्फोटाच्या चर्चांवर तो बोलणं टाळला.