Government Holiday : मुंबई शहर आणि मुंबई उपनगर जिल्ह्यातील कर्मचाऱ्यांसाठी सामान्य प्रशासन विभागाने मोठा निर्णय घेतला आहे. महाराष्ट्र शासनाच्या सामान्य प्रशासन विभागाने रक्षाबंधनानिमित्त 28 ऑगस्ट 2026 रोजी स्थानिक सुट्टी जाहीर केली आहे. यासंदर्भातील शासन शुद्धीपत्रक 10 ऑगस्ट 2026 रोजी जारी करण्यात आले आहे.

राज्य सरकारी आणि निम-सरकारी कार्यालयांच्या सुट्टीत महत्त्वाचा बदल करण्यात आला आहे. सामान्य प्रशासन विभागाने नुकतेच सुट्टीचे शुद्धीपत्रक जारी केले आहे.

आता या शुद्धीपत्रकानुसार गोपाळकाला (दहीहंडी) सणाऐवजी स्थानिक सुट्टी रक्षाबंधनला जाहीर करण्यात आली आहे. त्यामुळे भाऊ-बहिणीच्या नात्यातील गोडवा जपणाऱ्या या सणाला एकमेकांकडे जाता येणार आहे.

यापूर्वी 5 सप्टेंबर 2026 रोजी गोपाळकाला (दहीहंडी) निमित्त स्थानिक सुट्टी जाहीर करण्यात आली होती. आता या सुट्टीऐवजी शुक्रवार, 28 ऑगस्ट 2026 रोजी रक्षाबंधनाची सुट्टी देण्यात आली आहे. मात्र 5 सप्टेंबर रोजी शनिवार असल्याने ही सुट्टीही मिळणारच आहे.

सलग सुट्ट्यांचा लाभ

दुसरीकडे, मुंबईतील शासकीय कर्मचाऱ्यांना ऑगस्टच्या अखेरीस सलग सुट्ट्यांचा लाभ मिळणार आहे. शुक्रवार, 28 ऑगस्ट 2026 रोजी रक्षाबंधनाची सुट्टी त्यानंतर शनिवार, रविवार सलग सुट्टी असणार आहे. शासनाने स्पष्ट केले आहे की ही स्थानिक सुट्टी मुंबई शहर आणि मुंबई उपनगर जिल्ह्यातील राज्य शासकीय तसेच निमशासकीय कार्यालयांना लागू राहणार आहे.

हेही वाचा: 

Tabu Personality Rights Case: तब्बूच्या पर्सनॅलिटी राइट्सचे संरक्षण, दिल्ली हायकोर्टाचा मोठा आदेश; १५० हून अधिक आक्षेपार्ह कंटेंट हटवण्याचे निर्देश