Government GST। राहुल गांधी जीएसटीमध्ये भारत सरकारने केलेल्या बदलांबाबत सोशल मीडियावर त्यांचे अनेक जुने ट्विट शेअर करत आहेत. याविषयी काँग्रेसने बोलताना,”आठ वर्षांनंतर भाजपला त्यांची चूक कळली आहे” असे म्हटले आहे. त्यासोबतच काँग्रेस आधीच त्याचा विरोध करत आहे असे म्हणत काँग्रेस नेते राहुल गांधी यांनी त्यांचे जुने ट्विट शेअर केले, ज्यामध्ये त्यांनी लिहिले होते की काँग्रेस १८% सीएपी असलेल्या दरासाठी संघर्ष करत राहील. त्यांनी म्हटले होते की जर भाजपने हे काम केले नाही तर काँग्रेस ते करून दाखवेल.” असे म्हटले होते.

सरकारने जीएसटीबाबत अनेक महत्त्वाचे बदल केले आहेत. हे सर्व बदल २२ सप्टेंबरपासून देशभरात लागू केले जातील. सरकारने जीएसटीबाबत आणलेल्या नियमांमुळे सर्वसामान्यांना मोठा दिलासा मिळेल. नवीन नियमांनुसार, जीएसटीचे दर आता फक्त ५% आणि १८% असतील. त्याच वेळी, १२% आणि २८% चे स्लॅब रद्द करण्यात आले आहेत.

राहुल गांधींच्या जुन्या ट्विटची रिपोस्ट Government GST। 
राहुल गांधींनी त्यांच्या सोशल मीडिया अकाउंटवर असे ट्विट शेअर केले ज्यामध्ये एक ट्विट ८ वर्षे जुना आहे आणि दुसरा ९ वर्षे जुना आहे. २०१७ मध्ये शेअर केलेल्या ट्विटमध्ये असे लिहिले होते की,”भारताला गब्बर सिंग टॅक्सची नाही तर साध्या जीएसटीची गरज आहे. काँग्रेस आणि देशातील जनतेने लढा दिला आहे आणि अनेक वस्तूंवरील २८% कर रद्द केला आहे. १८% सीएपीसह एकच दरासाठी आमचा संघर्ष सुरूच राहील. जर भाजपने हे केले नाही तर काँग्रेस ते करून दाखवेल. त्याच वेळी, २०१६ मध्ये एका ट्विटमध्ये असे लिहिले होते की जीएसटी दरावरील १८% मर्यादा सर्वांच्या हिताची आहे.”

भारत को गब्बर सिंह टैक्स नहीं, सरल GST चाहिए। कांग्रेस और देश की जनता ने लड़कर कई वस्तुओं पर 28% टैक्स ख़त्म करवाया है।18% CAP के साथ एक रेट के लिए हमारा संघर्ष जारी रहेगा। अगर भाजपा ये काम नहीं करेगी, तो कांग्रेस करके दिखाएगी।

— Rahul Gandhi (@RahulGandhi) November 11, 2017

काँग्रेस नेते पी. चिदंबरम यांनी भाजपवर निशाणा साधला

काँग्रेस नेते पी. चिदंबरम यांनी आठ वर्षांनंतर सरकारला त्यांची चूक लक्षात आल्याबद्दल मी त्यांचे कौतुक करतो. ते म्हणाले की,”आठ वर्षांपासून भाजपने मध्यमवर्गीय आणि गरिबांना पिळून काढले आहे. त्यावेळी आम्ही असा कर लादू नये असा सल्ला दिला होता, परंतु त्यावेळी पंतप्रधान किंवा मंत्र्यांनी आमचे ऐकले नाही. मी संसदेतही आवाज उठवला पण त्याचा काही उपयोग झाला नाही. त्यामुळे आता सरकारने आता जीएसटी दर १२% आणि १८% वरून ५% पर्यंत कमी करण्यात आले आहेत” असे चिदंबरम यांनी म्हटले आहे.

As the GST Council begins its deliberations today I want to stress again that an 18% cap on the GST rate is in everybody’s interest

— Rahul Gandhi (@RahulGandhi) October 18, 2016

जीएसटी परिषद ही फक्त एक औपचारिकता  Government GST। 

काँग्रेस नेते जयराम रमेश यांनी त्यांच्या सोशल मीडियावर एक पोस्ट शेअर केली आहे. ज्यामध्ये म्हटले आहे की, “काँग्रेस बऱ्याच काळापासून जीएसटी २.० ची वकिली करत आहे”. भाजपवर टीका करताना ते म्हणाले की ,”जीएसटी परिषद बैठकीपूर्वी पंतप्रधान मोदींनी १५ ऑगस्ट रोजी जीएसटी दर कमी करण्याबद्दल बोलले होते. त्यामुळे जीएसटी परिषद आता फक्त एक औपचारिकता बनली आहे का? असा भाजपला प्रश्न  त्यांनी यावेळी विचारला.

काँग्रेस नेते म्हणाले की, काँग्रेसने २०१७ मध्ये पंतप्रधानांना आठवण करून दिली होती की त्यांनी घेतलेला निर्णय चुकीचा होता. ते म्हणाले की याला चांगला आणि साधा कर म्हटले जात होते, परंतु तो वाढीला दडपणारा कर असल्याचे सिद्ध झाले.