Prakash Mahajan Post : स्वर्गीय गोपीनाथ मुंडे हे भाजपचे ज्येष्ठ नेते होते. त्यांनी अनेक पदे भूषवित राज्याच्या राजकारणात नावलौकिक मिळवले. मुंडे घराण्यातील पंकजा मुंडे, धनंजय मुंडे हे सख्ये चुलत बहिण भाऊ-सक्रिय राजकारणात आहेत. पंकजा मुंडे यांची बहिण प्रितम मुंडे या देखील खासदार राहिललेल्या आहेत.

नुकतीच करुणा शर्मा यांनी राजकारणात पोटचा नव्हे तर विचारांचा वारसा असतो हे धनंजय मुंडे यांनी सिद्ध करून दाखवले आहे, असे म्हणत त्यांचे कौतुक केले होते. यानंतर आता यावर मनसेचे माजी प्रवक्ते प्रकाश महाजन सोशल मीडियावरून पोस्ट करत प्रतिक्रिया दिली आहे. त्यामुळे आता मुंडे घराण्याचा खरा वारसदार कोण? याची मोठी चर्चा सुरू झाली आहे.

प्रकाश महाजन यांनी स्वर्गीय मुंडे साहेब यांचा वारसा मग तो सामजिक असो किंवा राजकीय असो, फक्त आणि फक्त माजी पंकू ताई, दुसरे कोणी नाई, असे म्हणत आपले मत व्यक्त केले आहे. त्यांनी या पोस्टमधून जाहीरपणे पंकजा मुंडे यांना पाठिंबा दर्शवला आहे. तसेच पोस्टमधून महाजनांनी करुणा शर्मा यांच्यावर निशाणा साधला आहे.

प्रकाश महाजन यांची फेसबुक पोस्ट 

“क्या जमाना आ गया, स्वर्गीय मुंडे साहेबांचा वारस कोण ठरवत आहे, एक भ्रष्टाचारी कारागृहात बरेच महिने काढून आलेला आणि दुसरी जी रोज उठून आपल्याच कुंकवाची अब्रू जगाच्या वेशीवर टांगते. स्वर्गीय मुंडे साहेब यांचा वारसा मग तो सामाजिक असो किंवा राजकीय असो, फक्त आणि फक्त माझी पंकू ताई , दुसरे कोणी नाई” प्रकाश महाजन यांनी केलेल्या पोस्टमुळे आता राजकारण तापले आहे.

बीडमधील ओबीसींच्या महाएल्गार सभेतून मंत्री छगन भुजबळ यांनी गोपीनाथ मुंडे यांचे राजकीय वारस धनंजय मुंडे हेच आहेत, असे विधान केले होते. यानंतर राजकारणात चर्चांना उधान आले आहे. यातच भुजबळांच्या विधानाची री ओढत धनंजय मुंडे यांचे कौतुक करत करुणा शर्मा यांनी देखील त्यांच्या राजकीय संघर्षाचे आपण साक्षीदार आहोत, 2009 ते 2019 दरम्यान, धनंजय मुंडे यांनी जो संघर्ष केला, त्यात मी ही होते, असे करूणा शर्मा म्हणाल्या आहेत.

हेही वाचा : Mumbai : जोगेश्वरीतील बिझनेस सेंटरला भीषण आग; काही जण अडकल्याची शक्यता