सांगली : भाजपचे आमदार गोपीचंद पडळकर यांनी दसरा मेळाव्यात (३० सप्टेंबर) राष्ट्रवादी काँग्रेस (शरद पवार गट) चे आमदार जयंत पाटील यांच्यावर पुन्हा एकदा अत्यंत अपमानास्पद आणि जहरी टीका केली. “मला मंगळसूत्र चोर म्हणतात, जयंत पाटील सांग तुझ्या कितव्या बायकोचं मी मंगळसूत्र चोरलंय?” असे म्हणत पडळकरांनी विरोधकांना शायरीतून उत्तर देताना राजकीय मैदान तापवले. दरम्यान, राज्यभरात आंदोलनांचे पडसाद उमटत असताना, या वक्तव्यामुळे राष्ट्रवादी कार्यकर्त्यांत संतापाची लाट उसळली आहे. बडी हस्ती मीट गई, तेरी उम्र जायेगी पडळकर हे नेहमीच विरोधकांवर वैयक्तिक हल्ले करणारे नेते म्हणून ओळखले जातात. दसरा मेळाव्यात त्यांनी जयंत पाटील यांच्या टीकेला शायरीने प्रत्युत्तर दिले: बडी सी बडी हस्तीं मीट गई मुझे मींटाने मे! तेरी उम्र जायेगी मुझे मिटाने मे! असं म्हणत मला मंगळसूत्र चोर म्हणतात, जयंत पाटील यांनी सांगावं त्याच्या कितव्या बायकोचे मी मंगळसूत्र चोरले, असं गोपीचंद पडळकर म्हणाले. गेल्या काही दिवसापूर्वीही जयंत पाटलांवर केली होती टीका महाराष्ट्र कसा चालवला? जयंत पाटील हा बिनडोक माणूस आहे. दर आठ दिवसाला तो आपल्या बिनडोकीचे पुरावे देतो.” पडळकरांनी पाटलांच्या वडिलांवर शंका उपस्थित करत म्हटले, जयंत पाटील राजारामबापू पाटील यांची औलाद नसणार आहे. काहीतरी गडबड आहे. मी भिकाऱ्याची औलाद नाही. जतमध्ये पाटलांनी पडळकरांवर खंडणीचे आरोप केले होते, पण पडळकर म्हणाले, मी जेलमध्ये दोन महिने गेलोय, पण बदनामी करणाऱ्यांना मी मिटवेन, अशी टीका गोपीचंद पाडळकरांनी केली होती.
