Gopal Italia ।  आम आदमी पार्टीचे नेते गोपाल इटालिया यांचा सोशल मीडियावर एक व्हिडिओ मोठ्या प्रमाणात व्हायरल होत आहे, ज्यामध्ये ते स्वतःला शिक्षा करताना दिसत आहेत. भाजपशासित गुजरातमध्ये झालेल्या विविध गुन्ह्यांतील पीडितांना न्याय देण्यात अपयशी ठरल्याबद्दल त्यांनी सुरत येथील जाहीर सभेत नुकतेच स्वतःला फटके मारून पश्चात्ताप केला.

मंचावरून माफी मागताना आपच्या राष्ट्रीय सहसचिवांनी आमरेली येथे एका पाटीदार महिलेवर भाजप नेत्याच्या बदनामीचा प्रयत्न केल्याचा गुन्हा  नोंदवला गेला असल्याच्या घटनेचा उल्लेख केला. मात्र हे करत असताना त्यांनी स्वतःच्या पॅन्टचा बेल्ट काढून स्वतःला शिक्षा केली.

पीडितांना न्याय देऊ शकत नाही Gopal Italia । 
यावेळी ते म्हणाले, “गुजरातच्या झोपलेल्या आत्म्याने जागे झाले पाहिजे. गुजरातमध्ये जेव्हा एका निष्पाप मुलीची परेड झाली आणि तिला बेल्टने मारहाण करण्यात आली, तेव्हा मी एसपीला  न भेटल्याची शिक्षा स्वतःला देत आहे. याशिवाय, मी यापूर्वीही लाथा-बुक्क्यांच्या घटनेबद्दल ऐकले आहे. पेपर फुटी घोटाळा, मोरबी घोटाळा, गेमझोन घोटाळा, हर्नीकंद, दाहोद, गुंडांच्या विरोधात, बुटलेगर्सच्या विरोधात, भूमाफिया, व्याज माफियांविरोधात, अशा अनेक घटनांमध्ये “मी बलात्काऱ्यांविरुद्ध आणि भ्रष्ट अधिकाऱ्यांविरुद्ध लढलो आहे. आजपर्यंत न्याय न मिळाल्याने मी स्वतःला शिक्षा करत आहे.” असे म्हणत त्यांनी स्वतःला शिक्षा करण्यास सुरुवात केली.

ગુજરાતનો સૂતેલો આત્મા જાગવો જોઈએ.

ગુજરાતમાં એક નિર્દોષ દીકરીનું સરઘસ કાઢવામાં આવ્યું અને પટ્ટાથી માર મારવામાં આવ્યો એ ઘટનામાં હું એસપીને મળ્યો પણ ન્યાય ન અપાવી શક્યો એ બદલ હું મને પોતાને સજા કરું છું.

આ સિવાય ભૂતકાળમાં અનેક ઘટનાઓ જેવી કે, લઠ્ઠાકાંડ, પેપરલીકકાંડ, મોરબીકાંડ,… pic.twitter.com/zM7qPUQZBz

— Gopal Italia (@Gopal_Italia) January 6, 2025

‘पीडितांना न्याय मिळावा’ Gopal Italia । 
पुढे बोलताना इटालिया म्हणाले, “मला गुजरातचा आत्मा जागृत करायचा आहे. मला आशा आहे की, मला शिक्षा करून गुजरातचा झोपलेला आत्मा जागी होईल आणि हजारो पीडितांना न्याय मिळेल.” अशी आशा देखील त्यांनी यावेळी व्यक्त केली.

ते म्हणाले, “गुजरातने ‘मोरबी झुलता पूल कोसळणे’, वडोदरा बोट पलटण्याची घटना, विविध ठिकाणी अवैध दारूमुळे झालेल्या शोकांतिका, आगीच्या घटना आणि सरकारी भरती परीक्षेचे पेपर लीक प्रकरणे अशा अनेक घटना पाहिल्या आहेत, परंतु मी मदत करण्यास सक्षम नाही. मी पीडितांना न्याय देऊ शकलो नाही.म्हणत खंत देखील व्यक्त केली. मेळाव्याला संबोधित करताना, इटालिया म्हणाले की ते पीडितांसाठी कायदेशीर, सामाजिक आणि राजकीय लढाई लढत आहेत, परंतु “भाजपच्या राजवटीत अधिकारी आणि नेत्यांच्या भ्रष्ट संगनमताने” लोकांना न्याय मिळणे कठीण झाले आहे.”असा आरोप देखील त्यांनी केला.