‘बॉर्डर 2’ चित्रपटाची चाहते आतुरतेने वाट पाहत आहेत. या चित्रपटाच्या सेटवरचे अनेक फोटो, व्हिडिओ या चित्रपटाची निर्मिती निधी दत्ताने शेअर केले आहेत. या फोटोत ती तिचा बेबी बंप फ्लाँट करताना दिसत आहे. तसेच तिचा पती बिनॅाय गांधी तिच्या बेबी बंपला प्रेमाने किस करताना दिसत आहेत. या फोटोवर चाहत्यांनी भरभरून शुभेच्छा दिल्या आहेत. लवकरच हे दोघेही बाळाचे आईवडिल होणार आहेत. निधी दत्ता लवकरच आई होणार असल्याने त्यांचे चाहते आणि जवळचे मित्र खूप खूश आहेत. या फोटोच्या कॅप्शनमध्ये “आमचा सर्वात मोठा आशीर्वाद जुलै 2025 मध्ये येत आहे.” असे निधीने लिहिले आहे. ते दोघेही त्यांच्या होणाऱ्या मुलासोबत बेबी बंपला अभिमानाने स्नेह करताना दिसत आहेत. फोटोंमध्ये निधीने बेज रंगाचा फिटेड स्वेटर आणि जीन्स घातली आहे. निधीने ही आनंदाची बातमी सोशल मीडियावर शेअर करताच तिच्या चाहत्यांनी तिला शुभेच्छा दिल्या. तसेच अनेक बॉलिवूड स्टार्सनी दोघांनाही शुभेच्छा दिल्या आहेत. अभिनेता वरुण धवन, आयुष्मान खुराना, सुनील शेट्टी, अथिया शेट्टी आणि इतर अनेक स्टार्सनी या फोटोवर शुभेच्छा दिल्या आहेत. अहान शेट्टीने इंस्टाग्रामवर आपला आनंद व्यक्त करताना लिहिले की, “मामू पुन्हा होत आहे.” अथिया शेट्टीने तिच्या इंस्टाग्राम स्टोरीवर पोस्ट शेअर केली आणि लिहिले, “उफ, मी प्रतीक्षा करू शकत नाही! माझ्या निधी आणि बिनॉय गांधींचे अभिनंदन.” ‘बॉर्डर 2’ बद्दल बोलायचं झालं तर, या चित्रपटात सनी देओल, वरुण धवन, दिलजीत दोसांझ आणि अहान शेट्टी मुख्य भूमिकेत आहेत. हा चित्रपट 1997 मध्ये आलेल्या चित्रपटाचा सिक्वेल आहे. चित्रपटाचे पहिले शेड्यूल जानेवारी 2025 मध्ये झाशी येथे शूट करण्यात आले होते. हा चित्रपट 26 जानेवारी 2026 रोजी थिएटरमध्ये प्रदर्शित होणार आहे.
