Disha Patani House Firing | बॉलीवूड अभिनेत्री दिशा पटानी हिच्या उत्तर प्रदेशमधील बरेलीतील सिव्हिल लाईन्स येथील घराबाहेर गोळीबार करण्यात आला. या घटनेनंतर एकच खळबळ उडाली होती. त्यानंतर या प्रकरणाची पोलिसांकडून तातडीने गंभीर दखल घेण्यात आली. यादरम्यान आता हा हल्ला कोणी आणि का केला? याची माहिती समोर आली आहे. गोळीबाराच्या घटनेनंतर हिंदीमध्ये लिहिलेली एक सोशल मीडिया पोस्ट व्हायरल झाली आहे. या पोस्टमध्ये दिशा व खुशबू पाटनीच्या घरावर झालेल्या जबाबदारी स्वीकारण्यात आली. तसेच हल्ला करण्यामागचे कारण देखील स्पष्ट करण्यात आले आहे. रोहित गोदारा गोल्डी ब्रार गँगने या हल्ल्याची जबाबदारी घेतली आहे. प्रेमानंद महाराज आणि अनिरुद्धाचार्य महाराज यांच्या कथित अपमानानंतर दिशा पाटनीच्या घराबाहेर गोळीबार झाला, असे एका वृत्तपत्रातील माहितीनुसार सांगण्यात आले आहे. काय आहे व्हायरल पोस्ट? “मी वीरेंद्र चारण, महेंद्र सारण (डेलाणा) आज खुशबू पटानी/दिशा पटानीच्या घरावर (व्हिला नंबर 40, सिव्हिल लाइन्स बरेली, यू.पी.) गोळीबार झाला, तो आम्ही करायला लावला. तिने आमचे संत प्रेमानंदजी महाराज व अनिरुद्धाचार्य जी महाराज यांचा अपमान केला होता. तिने आपल्या सनातन धर्माचा अवमान करण्याचा प्रयत्न केला होता. आपल्या पूज्य देवी देवतांचा अपमान सहन केला जाणार नाही. हा फक्त एक ट्रेलर होता. पुढच्या वेळी जर तिने किंवा इतर कोणी आपल्या धर्माबद्दल अपमानास्पद कृत्य केले तर त्यांच्या घरातील कोणालाही जिवंत सोडणार नाही. हा मेसेज फक्त तिच्यासाठी नाही तर चित्रपटसृष्टीतील सर्व कलाकारांसाठी आणि तिच्याशी संबंधित लोकांसाठी आहे. भविष्यात जर कोणी आमचा धर्म किंवा संतांबद्दल असे कोणतेही अपमानजनक कृत्य केले तर त्याचे परिणाम भोगण्यास तयार राहा. आपल्या धर्माचे रक्षण करण्यासाठी आम्ही कोणत्याही थराला जाण्यास तयार आहोत. आम्ही कधीच मागे हटणार नाही. आमच्यासाठी धर्म आणि संपूर्ण समाज नेहमीच एक असून त्यांचे रक्षण करणे हे आमचे पहिले कर्तव्य आहे,” असा थेट इशारा या पोस्टद्वारे देण्यात आला आहे. सुदैवाने या घटनेत कोणीही जखमी नाही पोलीस अधिकाऱ्यांनी दिलेल्या माहितीनुसार, दिशा पाटनीच्या घराबाहेर पहाटे ४:३० वाजता दोन वेळा हवेत गोळीबार झाला. पाटनी कुटुंबाच्या घराबाहेर गोळीबार झाला तेव्हा घरात दिशा पाटनीचे वडील आणि निवृत्त डीएसपी जगदीश सिंह पाटनी, आई आणि मोठी बहीण खुशबू पाटनी उपस्थित होते. सुदैवाने या घटनेत कोणीही जखमी झालेलं नाही. Disha Patani House Firing | सध्या पाटनी यांच्या घरावर मोठा पोलिस बंदोबस्त तैनात करण्यात आला असून या प्रकरणाच्या तपासासाठी वरिष्ठ अधिकाऱ्यांच्या नेतृत्वाखाली पाच पथके तयार करण्यात आली आहेत. तसेच सोशल मीडियावरील या पोस्टची सत्यता पडताळली जात आहे, असेही पोलिसांनी सांगितले आहे. दुसरीकडे, दिशा पाटनीची या गोळीबाराच्या घटनेबाबत कोणताही प्रतिक्रिया अद्याप समोर आलेली नाही. ती सध्या मुंबईतच असल्याचे म्हंटले जात आहे. Disha Patani House Firing | हेही वाचा: Police Recruitment : बातमी पोलीस भरतीची तयारी करणाऱ्या तरुणांसाठी! आता ‘या’ उमेदवारांनाही मिळणार संधी; शासनाचा आदेश जारी
