Gold-Silver Rates : अमेरिका आणि इराण यांच्यातील नव्याने सुरू झालेल्या लष्करी संघर्षामुळे कच्च्या तेलाच्या दरात वाढ झाल्याने सोमवारी राष्ट्रीय राजधानीत 99.9 टक्के शुद्धतेच्या सोन्याचा भाव शुक्रवारच्या 1,62,900 रुपये प्रति 10 ग्रॅमच्या बंद भावावरून 2,500 रुपयांनी, म्हणजेच 1.53 टक्क्यांनी घसरून 1,60,400 रुपये प्रति 10 ग्रॅम (सर्व करांसहित) झाला.

ऑल इंडिया सराफा असोसिएशनच्या माहितीनुसार, चांदीच्या दर 5,000 रुपयांनी, म्हणजेच 2 टक्क्यांनी घसरून 2,69,700 रुपये प्रति किलोग्राम झाला. मागील सत्रात चांदीचा भाव 2,74,700 रुपये प्रति किलोवर स्थिरावला होता.

एचडीएफसी सिक्युरिटीजचे कमोडिटीज विभागाचे वरिष्ठ विश्लेषक सौमिल गांधी म्हणाले, आठवड्याच्या शेवटी अमेरिका आणि इराणमधील वाढलेल्या तणावामुळे कच्च्या तेलाच्या किमती वाढल्या आणि डॉलर मजबूत झाल्याने सोन्याची आठवड्याची सुरुवात कमजोर झाली.

यूएस ट्रेझरी बाँडच्या उत्पन्नातील वाढीचाही मौल्यवान धातूंवर दबाव आला, ज्यामुळे सोने आणि चांदीसारख्या मालमत्तांमध्ये गुंतवणूकदारांची आवड मर्यादित झाली. आंतरराष्ट्रीय बाजारात, स्पॉट गोल्ड जवळपास 1 टक्क्याने घसरून 4,504.97 डॉलर प्रति औंसवर आले. तथापि, चांदी 1 टक्क्याने वाढून 75.93 डॉलर प्रति औंसवर पोहोचली.