Gold Rate Today: दिल्लीत सोन्या-चांदीने उच्चांक गाठला आहे. होळीपूर्वी सोन्या-चांदीच्या दरात मोठी वाढ झाली आहे. दिल्लीत सोने प्रति 10 ग्रॅम 89,450 रुपये आणि चांदी प्रति किलो 1,01,200 रुपयांवर पोहोचली आहे. जागतिक बाजारातील मजबूतीमुळे, गुरुवारी दिल्लीच्या सराफा बाजारात सोन्याचा भाव 600 रुपयांनी वाढून 89,450 रुपये प्रति 10 ग्रॅम झाला. सोन्याची ही आतापर्यंतची विक्रमी पातळी आहे, त्याचवेळी चांदीचा भावही 1,000 रुपयांनी वाढून 1,01,200 रुपये प्रति किलो झाला आहे, जो गेल्या पाच महिन्यांतील उच्चांक आहे.

दिल्लीत सोन्या-चांदीचे भाव –

99.9% शुद्ध सोने – 89,450 रुपये प्रति 10 ग्रॅम

99.5% शुद्ध सोने – 89,050 रुपये प्रति 10 ग्रॅम

चांदी – 1,01,200 रुपये प्रति किलो (रु. 1,000 ने वाढ)

किमती वाढण्याचे कारण –

एचडीएफसी सिक्युरिटीजचे वरिष्ठ कमोडिटी एक्सपर्ट सौमिल गांधी यांच्या मते, गुंतवणुकदारांची सुरक्षित मालमत्तेबद्दलची वाढती उत्सुकता आणि अमेरिकेतील महागाई दराच्या आकडेवारीमुळे आंतरराष्ट्रीय बाजारात सोन्याच्या किमती विक्रमी उच्चांकावर पोहोचल्या आहेत. आंतरराष्ट्रीय बाजारात स्पॉट गोल्ड 11.67 डॉलरने वाढून 2,946.44 डॉलर प्रति औंस झाले. गुंतवणूकदार आता अमेरिकेच्या साप्ताहिक बेरोजगारी डेटावर आणि उत्पादक किंमत निर्देशांक (PPI) अहवालावर लक्ष ठेवून आहेत, ज्यावरून पुढील आर्थिक ट्रेंड मोजले जाऊ शकतात.