Gokul Election : गोकुळ दूध उत्पादक संघाच्या अध्यक्षपदाच्या निवडीवरून कोल्हापुरातील राजकीय घडामोडींना वेग आला आहे. उच्च न्यायालयाच्या आदेशानंतर १० नोव्हेंबर रोजी अध्यक्षपदासाठी मतदान होणार आहे. (Gokul Election)

महायुती आणि महाविकास आघाडीमध्ये अध्यक्षपदासाठी जोरदार रस्सीखेच सुरू असतानाच महायुतीकडून शिवसेनेच्या एका नेत्याच्या नावाची चर्चा रंगली आहे. अजित नरके यांना अध्यक्षपदाची संधी मिळू शकते, अशी शक्यता राजकीय वर्तुळात व्यक्त केली जात आहे. (Gokul Election)

अजित नरके हे शिवसेनेचे आमदार चंद्रदीप नरके यांचे बंधू आहेत. त्यामुळे गोकुळच्या अध्यक्षपदाची माळ एकनाथ शिंदे यांच्या नेतृत्वाखालील शिवसेनेच्या गळ्यात पडणार का, याकडे सर्वांचे लक्ष लागले आहे. (Gokul Election)

सतेज पाटलांचा संघर्षमोर्चा; महायुतीवर टीका

दरम्यान, आज काँग्रेस नेते सतेज पाटील यांनी कोल्हापुरात संघर्षमोर्चा काढत शक्तिप्रदर्शन केलं. यावेळी त्यांनी महायुती सरकारवर जोरदार टीका केली. कोल्हापुरातून महाराष्ट्रातील सत्ताबदलाचं बीज पेरलं गेलं असून राज्यातही सत्तापरिवर्तन घडवून आणू, असा इशारा त्यांनी दिला. यावेळी त्यांनी मंत्री हसन मुश्रीफ यांच्यावरही निशाणा साधला. (Gokul Election)

मुश्रीफ आणि महाडिक यांचं प्रत्युत्तर

सतेज पाटील यांच्या टीकेनंतर सायंकाळी महायुतीच्या नेत्यांनी पत्रकार परिषद घेतली. हसन मुश्रीफ आणि खासदार धनंजय महाडिक यांनी सतेज पाटील यांच्या आरोपांना प्रत्युत्तर दिलं. (Gokul Election)

महाडिक म्हणाले की, महाविकास आघाडीचे आमच्यापेक्षा केवळ एक सदस्य जास्त निवडून आले आहेत. मात्र, साडेपाच लाख दूध उत्पादकांचा पाठिंबा केवळ आपल्यालाच असल्याचा दावा सतेज पाटील करत आहेत. गोकुळमधील पेच सोडवण्यासाठी सरकारने हस्तक्षेप केला असून विरोधकांकडून चुकीची माहिती पसरवली जात असल्याचा आरोपही त्यांनी केला. (Gokul Election)

‘सरकारला गोकुळ ताब्यात घ्यायचा असता तर प्रशासक नेमला असता’

गोकुळसारख्या संस्था त्यांच्या बायलॉजनुसार चालतात. मात्र, शासनाला कायदेशीर तरतुदींनुसार काही निर्णय घेण्याचे अधिकार आहेत, असं महाडिक यांनी म्हटलं. अध्यक्ष निवडीच्या प्रक्रियेत निर्माण झालेला पेच सोडवण्यासाठी मुख्यमंत्री आणि सरकारने हस्तक्षेप केला. सरकारला गोकुळ ताब्यात घ्यायचा असता, तर संघावर प्रशासक नेमला असता; मात्र सरकारने निवडणूक प्रक्रिया सुरू ठेवली, असा युक्तिवाद त्यांनी केला. (Gokul Election)

आजच्या मोर्चात बाहेरच्या लोकांची संख्या अधिक असल्याचा आरोपही महाडिक यांनी केला. विरोधकांकडून लोकशाहीची हत्या आणि काळा दिवस अशा घोषणा देऊन चुकीचं चित्र निर्माण केलं जात असल्याची टीका त्यांनी केली. (Gokul Election)

गोकुळच्या अध्यक्षपदासाठी उद्या होणाऱ्या मतदानाकडे आता संपूर्ण राज्याचं लक्ष लागलं आहे. अजित नरके यांच्या नावाची चर्चा प्रत्यक्ष उमेदवारीत रूपांतरित होते का आणि महायुती अध्यक्षपद मिळवण्यात यशस्वी ठरते का, हे मतदानानंतर स्पष्ट होणार आहे. (Gokul Election)