Gokul Election Result 2026 : संपूर्ण महाराष्ट्राचे लक्ष लागलेल्या कोल्हापूर जिल्हा दूध उत्पादक संघ अर्थात गोकुळच्या निवडणुकीत सतेज पाटील यांच्या नेतृत्वाखालील राजर्षी शाहू शेतकरी समविचारी आघाडीने बाजी मारली आहे. २५ संचालकपदांच्या जागांपैकी १६ जागा जिंकत सतेज पाटील गटाने गोकुळमध्ये आपले वर्चस्व सिद्ध केले.

गोकुळच्या निवडणुकीसाठी १८ ऑक्टोबर रोजी विक्रमी ९९.९६ टक्के मतदान झाले होते. त्यानंतर आज मतमोजणी सुरू झाली. सुरुवातीच्या टप्प्यात सतेज पाटील गटाचे अभिजित तायशेटे आणि शशिकांत पाटील चुयेकर यांनी आघाडी घेत महायुतीसमोर मोठे आव्हान उभे केले. अखेर सतेज पाटील गटाने २५ पैकी १६ जागा जिंकल्या.

गोकुळच्या २५ जागांसाठी एकूण ५० उमेदवार निवडणूक रिंगणात होते. महायुतीप्रणीत छत्रपती शाहू शेतकरी विकास आघाडी आणि सतेज पाटील यांच्या नेतृत्वाखालील राजर्षी शाहू शेतकरी समविचारी आघाडी यांच्यात थेट लढत झाली.

विजयी उमेदवार –

सर्वसाधारण गट :
१. अभिजित प्रभाकर तायशेटे
२. शशिकांत आनंदराव पाटील चुयेकर
३. राहुल पांडुरंग पाटील
४. चेतन अरुण नरके
५. अजित शशिकांत नरके
६. किसन बापूसो चौगले
७. अंबरीषसिंह संजय घाटगे
८. बाबासाहेब श्रीपती चौगले
९. राहुल बजरंग देसाई
१०. विद्याधर बाबुराव गुरबे
११. विरेंद्र संजय मंडलिक
१२. मदन बाबुराव देसाई
१३. बाबासाहेब विष्णू देवकर
१४. राजेश नरसिंगराव पाटील
१५. रणजितसिंह दिलीपराव पाटील
१६. रणजितसिंह कृष्णराव पाटील
१७. अजित पांडुरंग पाटील
१८. सचिन दौलतराव घोरपडे
१९. विश्वजीत दिनकरराव जाधव
२०. युवराज दत्ताजीराव पाटील

महिला राखीव गट :
१. अंजना केदारी रेडेकर
२. भाग्यश्री धीरज डोंगळे

इतर मागासवर्गीय गट :
१. शशिकांत शामराव खोत

अनुसूचित जाती गट :
१. राजू बाबा आवळे

भटक्या-विमुक्त जमाती गट :
१. बयाजी शेळके