Gokul Election Result 2026 : गोकुळ दूध संघाच्या निवडणुकीत फेरमतमोजणीनंतर निकालाचे चित्र बदलले आहे. आमदार सतेज पाटील यांच्या नेतृत्वाखालील शाहू समविचारी आघाडीने १३ जागा, तर महायुतीने १२ जागा जिंकल्या आहेत. त्यामुळे २५ जागांच्या निवडणुकीत दोन्ही आघाड्यांमध्ये अत्यंत चुरशीची लढत झाल्याचे स्पष्ट झाले.

निवडणुकीत काही उमेदवारांच्या मतांमध्ये कमी फरक होता. त्यामुळे महायुतीने फेरमतमोजणीची मागणी केली. काठावर असलेल्या उमेदवारांच्या मतांची फेरमतमोजणी करण्यात आली. त्यानंतर अंतिम निकाल जाहीर करण्यात आला. त्यात शाहू समविचारी आघाडीचे १३, तर महायुतीचे १२ उमेदवार विजयी ठरले. याआधीच्या निकालात सतेज पाटील गटाने २५ पैकी १६ जागा जिंकल्या असल्याची माहिती समोर आली होती.

महायुतीचे १२ विजयी उमेदवार
सर्वसाधारण गट – १२ जागा

१. राहुल पांडुरंग पाटील
२. चेतन अरुण नरके
३. अजित शशिकांत नरके
४. अंबरीषसिंह संजय घाटगे
५. विरेंद्र संजय मंडलिक
६. मदन बाबुराव देसाई
७. राजेश नरसिंगराव पाटील
८. रणजितसिंह दिलीपराव पाटील
९. रणजितसिंह कृष्णराव पाटील
१०. अजित पांडुरंग पाटील
११. कर्णसिंह गायकवाड
१२. अमर पाटील (कोडोली)

शाहू समविचारी आघाडीचे १३ विजयी उमेदवार
सर्वसाधारण गट – ८ जागा

१. अभिजित प्रभाकर तायशेटे
२. शशिकांत आनंदराव पाटील चुयेकर
३. किसन बापूसो चौगले
४. बाबासाहेब श्रीपती चौगले
५. राहुल बजरंग देसाई
६. विद्याधर बाबुराव गुरबे
७. बाबासाहेब विष्णू देवकर
८. विश्वजीत दिनकरराव जाधव

महिला राखीव गट – २ जागा

९. अंजना केदारी रेडेकर
१०. भाग्यश्री धीरज डोंगळे

इतर मागासवर्गीय गट – १ जागा

११. शशिकांत शामराव खोत

अनुसूचित जाती गट – १ जागा

१२. राजू बाबा आवळे

भटक्या-विमुक्त जमाती गट – १ जागा

१३. बयाजी शेळके

निकालाचे महत्त्व –
गोकुळच्या २५ संचालकपदांसाठी झालेल्या या निवडणुकीत दोन्ही आघाड्यांमध्ये अतिशय अटीतटीची लढत झाली. सुरुवातीच्या निकालानंतर फेरमतमोजणी झाल्याने काही जागांचे चित्र बदलले. अखेर शाहू समविचारी आघाडी १३ जागांसह एका जागेच्या फरकाने पुढे राहिली, तर महायुतीने १२ जागा जिंकल्या.