Goa Nightclub Fire। गोव्याच्या उत्तर जिल्ह्यातील अर्पोरा गाव शनिवारी रात्री हादरले. एका लोकप्रिय नाईटक्लबमध्ये आग लागली, ज्यामध्ये २५ जणांचा मृत्यू झाला. हा क्लब गेल्या वर्षीच सुरू झाला होता आणि पर्यटकांमध्ये तो खूप लोकप्रिय झाला होता. पंतप्रधान नरेंद्र मोदी यांनी या घटनेवर दुःख व्यक्त केले.

पंतप्रधान मोदींनी सोशल मीडियावर पोस्ट करत, “गोव्यातील अर्पोरा येथे झालेली आगीची दुर्घटना अत्यंत दुःखद आहे. ज्यांनी आपल्या प्रियजनांना गमावले त्यांच्याबद्दल माझ्या संवेदना आहेत. जखमी लवकरात लवकर बरे व्हाव्यात. मी गोव्याचे मुख्यमंत्री डॉ. प्रमोद सावंत यांच्याशी परिस्थितीबद्दल बोललो आहे. राज्य सरकार बाधितांना सर्वतोपरी मदत करत आहे. पंतप्रधान मोदींनी पंतप्रधानांच्या राष्ट्रीय मदत निधीतून प्रत्येकी २ लाख रुपयांची मदत जाहीर केली. जखमींना ५०,००० रुपये मिळतील.” असे लिहिले.

स्वयंपाकघरात सिलिंडरच्या स्फोटामुळे आग लागली. क्लबच्या स्वयंपाकघर परिसरात मध्यरात्री १२:०० वाजता स्वयंपाक सुरू होता. दरम्यान, गॅस सिलिंडरचा स्फोट झाला आणि आग संपूर्ण परिसरात पसरली. स्फोट इतका शक्तिशाली होता की जवळपास राहणाऱ्यांनाही कंप जाणवले. आग आणि धूर पसरला, ज्यामुळे आत असलेल्यांना बाहेर पडण्यासाठी वेळ मिळाला नाही.

An ex-gratia of Rs. 2 lakh from PMNRF will be given to the next of kin of each deceased in the mishap in Arpora, Goa. The injured would be given Rs. 50,000: PM @narendramodi https://t.co/BcS0jYnvVx

— PMO India (@PMOIndia) December 7, 2025

पोलीस आणि अग्निशमन दलाच्या तुकड्या दाखल Goa Nightclub Fire।

स्फोट होताच लोक ओरडू लागले आणि बाहेर पळू लागले. स्थानिक रहिवाशांनी ताबडतोब पोलिसांना माहिती दिली. गोव्याचे पोलीस महासंचालक आलोक कुमार यांनी सांगितले की, नियंत्रण कक्षाला रात्री १२:०४ वाजता फोन आला आणि पोलीस, अग्निशमन दल आणि रुग्णवाहिका तात्काळ घटनास्थळी पोहोचल्या. आगीवर काही वेळातच नियंत्रण मिळवण्यात आले, परंतु तोपर्यंत अनेक लोक गुदमरून किंवा भाजून मृत्युमुखी पडले होते.

मुख्यमंत्री यांनी कडक सूचना दिल्या ; चौकशी सुरू  Goa Nightclub Fire।

घटनेची माहिती मिळताच मुख्यमंत्री प्रमोद सावंत रात्री घटनास्थळी पोहोचले. त्यांनी सांगितले की, सुरुवातीच्या तपासात क्लबने अग्निसुरक्षा नियमांचे पालन केले नसल्याचे उघड झाले. सुरक्षेत निष्काळजीपणा सिद्ध झाल्यास कारवाई केली जाईल असे मुख्यमंत्र्यांनी सांगितले. ही घटना पर्यटन हंगामात घडली, त्यामुळे राज्य सरकारने ती गांभीर्याने घेतली आहे.