मुंबई : महाराष्ट्रात करोना आणि ओमिक्रॉनचे रुग्ण झपाट्याने वाढत  आहे. राज्यात करोनाचा कहर सुरु असल्याचेही पाहायला मिळत आहे. राज्यात दिवसभरात आढळून येणाऱ्या करोना रुग्णांची संख्या पुन्हा 40 हजारांच्या वर गेली आहे. काल राज्यात 48 हजार 270 नवे करोना रुग्ण आढळून आले आहेत. तर 52 रुग्णांचा कोरोनामुळे मृत्यू झाला आहे.

दरम्यान, या सर्वात ग्लोबल टीचर पुरस्कार प्राप्त शिक्षक रणजितसिंह डिसले करोना पॉझिटिव्ह आले असल्याची माहिती समोर आली आहे.

बार्शी येथील ग्लोबल टीचर पुरस्कार प्राप्त शिक्षक रणजितसिंह डिसले करोना पॉझिटिव्ह आल्याचे सांगण्यात येत आहे. त्याने सौम्य लक्षणे असल्याने तपासणी केली असता आला त्यांचा करोना अहवाल पॉझिटिव्ह आला. डिसले यांच्यावर घरीच उपचार सुरु असल्याचे सांगण्यात येत आहे. दरम्यान, डिसले गुरुजी दुसऱ्यांदा करोना पॉझिटिव्ह आले आहेत.