Gautami Patil song | सबसे कातील गौतमी पाटीलने तिच्या नृत्याने सूंपर्ण महाराष्ट्राला वेड लावलं. शहरापासून ते गावापर्यंत गौतमीच्या नृत्याच्या कार्यक्रमाला मोठी मागणी आहे. ती तिच्या नृत्यामुळे सतत चर्चेत असते. तिने आजवर अनेक कार्यक्रमांमधून आणि काही गाण्यांमधून प्रेक्षकांच्या भेटीला आली आहे. अशातच आता गौतमीचं नवं गाण रिलीज झालं आहे. “कृष्ण मुरारी” असे या गाण्याचे नाव असून या गाण्याला प्रेक्षकांची चांगली पसंती मिळत आहे. गौतमीने नुकतीच या गाण्याची खास झलक आपल्या सोशल मीडियावरून शेअर केली आहे. या गाण्यात ती गोपिकेच्या भूमिकेत दिसत असून श्री कृष्णाची आराधना करताना दिसत आहे. गौतमीने आजवर अनेक लावण्या आणि आयटम सॅान्ग केले आहेत. पण कृष्ण मुरारी गाण्यातील नृत्य प्रकार तिने पहिल्यांदाच सादर केला असून प्रेक्षकांना तिचा हा नृत्य प्रकार आवडला आहे. ‘कृष्ण मुरारी’ हे तिचं पहिलचं गवळगीत असून तिने याविषयी आपल्या भावना व्यक्त केल्या आहेत. लोकसंगीतातील गवळण हा नृत्यप्रकार मला फार आवडतो. माझी खूप दिवसांपासून गवळण करण्याची इच्छा होती. साईरत्न एंटरटेनमेंट प्रस्तुत “कृष्ण मुरारी” या गाण्यामुळे माझी इच्छापूर्ती झाली, असल्याचे गौतमीने सांगितले. मी साईरत्न एंटरटेन्मेंट आणि निर्माते संदेश गाडेकर व सुरेश गाडेकर यांचे मनापासून आभार मानते. माझी कृष्णावर नितांत श्रद्धा आहे. मी दररोज कृष्णाची भक्तीभावाने आराधना करते. हे गाणं चित्रीत करताना मला खूप मज्जा आली. प्रेक्षकांना हे गाणं आवडत आहे. हे पाहून आनंद झाला. माझ्यावर प्रेक्षकांचे असेच प्रेम कायम राहो हीच सदिच्छा, असे मत तिने व्यक्त केले. कृष्ण मुरारी या गाण्याचे दिग्दर्शन मनीष महाजन यांनी केले आहे. गाण्याचे संगीत आयोजन आदित्य पाटेकर व करण वावरे यांनी केले आहे. विशेष म्हणजे या गाण्याचे चित्रीकरण पुण्यात करण्यात आले आहे. गायिका गायत्री शेलारने हे गाणं गायलं आहे. सध्या कृष्ण मुरारी हे गाण चांगलाच व्हायरल होत असून गाण्याला चांगली पसंती मिळत आहे.
