Gas Shortage: गॅस टंचाईमुळे नागरिकाससमोर अनेक प्रश्न निर्माण झाले आहेत. अशा परिस्थितीतही ई-कॉमर्सवरून पाकीट बंद पदार्थ, तयार जेवण, स्नॅक्स, नूडल्स इत्यादीची मागणी 15 टक्क्यांनी वाढली असल्याचे अॅमेझॉन कंपनीने नमूद केले आहे. विशेष म्हणजे पुणे, कोलकत्ता, हैदराबाद, चेन्नई, नवी दिल्ली, मुंबई, अशा मोठ्या शहरात मागणी वाढलेली नाही तर छोट्या शहरातही मागणी वाढली. सोनीपत आणि पणजी सारख्या शहरातूनही पाकीट बंद खाद्यपदार्थांची मागणी वाढली आहे. इन्स्टंट नूडल्स तयार करण्यास कमी गॅस लागतो. अशा परिस्थितीत नागरिकांनी बरेच इन्स्टंट नूडल्स खरेदी केले आहेत. इतर पाकीट बंद पदार्थाची मागणी वाढत आहे. क्विक कॉमर्स कंपन्यांना याचा जास्त फायदा होत असून दिल्ली, बंगलोरसारख्या शहरातून अशा पदार्थांची मागणी 20 टक्क्यांनी वाढली आहे. त्याचबरोबर ड्रायफ्रूट आणि इतर खाद्यपदार्थाच्या मागणीतही वाढ झाली आहे. त्यामुळे अशा प्रकारचे खाद्यपदार्थ जास्त प्रमाणात उपलब्ध करण्याचा प्रयत्न सुरू केला आहे. एलपीजीचा वापर मार्च महिन्यात आतापर्यंत 17.7 टक्क्यांनी कमी झाल्याची आकडेवारी काल जाहीर करण्यात आली आहे. म्हणजे नागरिक उपलब्ध एलपीजीचे संवर्धन करण्याचा प्रयत्न करीत आहेत.
