Ganpati Visarjan 2024 | पुण्याच्या गणेशोत्सव विसर्जन मिरवणुकीला थोड्याच वेळात सुरुवात होत आहे. यंदाही मानाच्या आणि प्रमुख मंडळांनी विसर्जनाची जय्यत तयारी केली आहे. ढोल-ताशा पथक, बॅंड, ध्वजपथक याशिवाय विविध संस्था आणि संघटनांचा सहभाग या सगळ्या गोष्टींचे नियोजन जवळपास पूर्ण झाले आहे.

दरम्यान, दोन वर्ष पालिकेवरती प्रशासक राज असल्याने पुण्याचे आयुक्त राजेंद्र पाटील यांच्या हस्ते या टिळकांच्या पुतळ्याला पुष्पहार अर्पण करून सुरुवात होत आहे. मात्र या ऐतिहासिक विसर्जन मिरवणूकीला यंदा वेगळेच चित्र पाहायला मिळत आहे.

पुण्याच्या विसर्जन मिरवणुकाला आता सुरुवात होत असून या मिरवणुकीत आजी-माजी मंत्री आणि इतर अन्य पक्ष हे देखील एकाच व्यासपीठावरती उपस्थित राहिल्याच चित्र पाहायला मिळालं.त्यामुळे बाप्पाच्या दर्शनासाठी सगळे हेवेदावे बाजूला सारून बाप्पाला निरोप देण्यासाठी सर्व राजकारणी एकत्र आले असल्याचे दिसले.