गणेशोत्सव 2022 : हिंदुस्थानातील पहिला सार्वजनिक गणपती ‘श्रीमंत भाऊसाहेब रंगारी’ विसर्जन मिरवणूकीची क्षणचित्रे….
पुणे – आकर्षक फुलांनी सजलेला पारंपरिक रथ, त्यावर उभारलेला रणशिंग पुष्प चौघडा आणि रथावर होणारी कोल्ड फायरची विद्युत आतषबाजी, सोबतीला मर्दाणी खेळांसह ढोल-ताशांचा दणदणाट अशा दिमाखदार, अशा भावपूर्ण आणि तितक्यात जल्लोषात लक्षवेधक विसर्जन मिरवणुकीने श्रीमंत भाऊसाहेब रंगारी गणपती बाप्पांना निरोप देण्यात आला.
शुक्रवारी प्रथा-परंपरेनुसार सकाळी मंडईतील महात्मा फुले यांच्या पुतळ्याला श्रीमंत भाऊसाहेब रंगारी गणपती ट्रस्टकडून पुष्पहार घालून या वैभवशाली विसर्जन मिरवणुकीला सुरवात झाली. मानाच्या पाच गणपतीलाही ट्रस्टकडून पुष्पहार अपर्ण करण्यात आला. उत्सवप्रमुख व विश्वस्त पुनीत बालन यांच्या हस्ते गणपतीची आरती झाल्यानंतर शुक्रवारी रात्री 11 वाजता प्रत्यक्षात या मिरवणुकीला सुरवात झाली.
View this post on Instagram
पारंपरिक रथाला विविध आकर्षक फुलांची सजावट करण्यात आली होती. त्यावर चारही बाजूंनी रणशिंग पुष्प चौघडा उभारण्यात आले होते. तर या रथावर कोल्ड फायरच्या माध्यमातून विद्युत आतषबाजी करण्यात येत होती. त्यामुळे हा रथ गणेश भक्तांच्या डोळ्यांचे पारणे फेडणारा होता.
श्रीमंत भाऊसाहेब रंगारी गणपती बेलबाग चौकात शनिवारी पहाटे 5 वाजून 20 मिनिटांनी दाखल झाला. येथून ही मिरवणूक लक्ष्मी रस्त्याकडे मार्गस्थ झाली. लक्ष्मी रस्त्यावर ही विसर्जन मिरवणूक आल्यानंतर विविध ठिकाणी परंपरेनुसार भाऊसाहेब रंगारी यांच्या पुतळ्यास पुष्पहार अर्पण करून मान्यवरांच्या हस्ते आरती करण्यात आली. मिरवणूक मार्गावर ठिककठिकाणी नागरिकाकडून पुष्पवृष्टीही केली जात होती.
*Ganeshotsav 2022* :
गणेशोत्सव 2022 : हिंदुस्थानातील पहिला सार्वजनिक गणपती ‘श्रीमंत भाऊसाहेब रंगारी’ विसर्जन मिरवणूकीची क्षणचित्रे….
👇👇👇👇👇👇https://t.co/BzoOM9zTmB#GaneshVisarjan2022 #ganeshfestival2022 #Ganeshotsav2022 #Pune #GanpatiBappaMorya— Digital Prabhat (@Dainik_Prabhat) September 12, 2022
शनिवारी सकाळी नऊ वाजता टिळक चौकात श्रीमंत भाऊसाहेब रंगारी गणपती बापाच्या रथाचे आगमन झाले. याठिकाणी पोलीस आयुक्त अमिताभ गुप्ता व महापालिका अतिरिक्त आयुक्त विलास कानडे यांच्या हस्ते गणपतीची आरती झाली. यावेळी चौकात भाविकांची प्रचंड गर्दी आली. गणपती बाप्पा मोरया- मंगलमूर्ती मोरया…या जयघोषाने संपूर्ण चौक दणाणून गेला होता. त्यानंतर ही विसर्जन मिरवणूक मार्गस्थ झाली.
