U19 World Cup Wining Indian Captains : अंडर-19 विश्वचषक 2024 चा अंतिम सामना आज भारत आणि ऑस्ट्रेलिया यांच्यात होत आहे. पाचवेळा अंडर-19 विश्वचषकाचे विजेतेपद पटकावणारी टीम इंडिया सहाव्यांदा चॅम्पियन बनण्याच्या इराद्याने आज मैदानात उतरणार आहे. पण त्याआधी, कोणत्या कर्णधारांनी भारताला अंडर-19 विश्वचषकाचे विजेतेपद मिळवून दिले ते जाणून घेऊया.
1- मोहम्मद कैफ (2000)
टीम इंडियाने 2000 मध्ये मोहम्मद कैफच्या नेतृत्वाखाली अंडर-19 विश्वचषकाचे पहिले विजेतेपद पटकावले होते. कैफच्या नेतृत्वाखाली टीम इंडियाने विजेतेपदाच्या लढतीत श्रीलंकेचा 6 विकेटने पराभव केला होता.
2- विराट कोहली (2008)
अंडर-19 विश्वचषकाच्या दुसऱ्या विजेतेपदासाठी भारताला काही काळ वाट पाहावी लागली. विराट कोहलीच्या नेतृत्वाखाली टीम इंडियाने 2008 मध्ये मेन इन ब्लूला अंडर-19 चॅम्पियन बनवले. भारताने विजेतेपदाच्या लढतीत दक्षिण आफ्रिकेचा पराभव करून ट्रॉफी जिंकली.
3- उन्मुक्त चंद (2012)
उन्मुक्त चंदच्या नेतृत्वाखाली भारताने 2012 मध्ये अंडर-19 विश्वचषकाचे तिसरे विजेतेपद पटकावले होते. उन्मुक्तही विराट कोहलीप्रमाणेच दिल्लीचा होता. उन्मुक्तच्या नेतृत्वाखालील भारतीय संघाने अंतिम फेरीत ऑस्ट्रेलियाचा पराभव करून विजेतेपद पटकावले होते.
4- पृथ्वी शॉ (2018)
2018 मध्ये पृथ्वी शॉच्या नेतृत्वाखाली भारताने 19 वर्षाखालील विश्वचषकाचे चौथे विजेतेपद पटकावले. शॉच्या नेतृत्वाखालील टीम इंडियाने जेतेपदाच्या लढतीत ऑस्ट्रेलियाचा पराभव करून ट्रॉफी जिंकली होती.
5- यश धुल (2022)
यश धुलने त्याच्या नेतृत्वाखाली 2022 मध्ये भारतासाठी अंडर-19 विश्वचषकाचे पाचवे विजेतेपद पटकावले होते. धुलच्या नेतृत्वाखाली टीम इंडियाने इंग्लंडचा 4 विकेट्स राखून पराभव करत फायनल जिंकली. विशेष धुलच्या नेतृत्वाखालील टीम इंडियाने या स्पर्धेत एकही सामना न गमावता विश्वविजेतेपद पटकावले होते.