2024 ऑलिम्पिक खेळ सुरू होण्यापूर्वी फ्रान्सची राजधानी पॅरिसमधील हायस्पीड रेल्वे नेटवर्कमध्ये मोठ्या प्रमाणात तोडफोड आणि जाळपोळ झाल्याची माहिती समोर येत आहे. त्यामुळे तेथील रेल्वे सेवेवर विपरीत परिणाम झाला आहे.

8 लाख लोकांना याचा फटका बसला आहे. फ्रेंच रेल्वे कंपनीने एका निवेदनात म्हटले आहे की, “दुर्भावनापूर्ण हल्ल्यांमुळे” ऑलिम्पिकपूर्वी पॅरिसमधील ट्रेनचे कामकाज गंभीरपणे विस्कळीत झाले आहे.

एसएनसीएफ या सरकारी मालकीच्या रेल्वे ऑपरेटरने सांगितले की,
‘जाळपोळ आणि तोडफोड करणाऱ्यांनी पॅरिसला देशाच्या पश्चिम, उत्तर आणि पूर्वेला जोडणाऱ्या रेल्वे मार्गांना लक्ष्य केले होते. पॅरिसमध्ये ऑलिम्पिक खेळ सुरू होत असताना आणि आठवड्याच्या शेवटी रहदारी वाढणार होती अशा वेळी हे हल्ले करण्यात आले आहेत. आता यामुळे देशभरातील वाहतूक मोठ्या प्रमाणात विस्कळीत होईल.’

टीजीव्ही नेटवर्कला अर्धांगवायू करण्यासाठी हा एक मोठा हल्ला आहे.
‘एसएनसीएफने एएफपी वृत्तसंस्थेला सांगितले की यामुळे अनेक मार्गांवर रेल्वेचे कामकाज स्थगित केले गेले आहे आणि कमीतकमी वीकेंडपर्यंत राहील. दुरुस्तीचे काम पूर्ण होईपर्यंत परिणाम होईल.’