School Reopen :  उन्हाळ्याच्या सुट्ट्यानंतर राज्यातील प्राथमिक व माध्यमिक शाळा आज 15 जूनपासून सुरू झाल्या आहेत. तर विदर्भ विभागात पावसाळ्याच्या वेळापत्रकानुसार ३० जून रोजी शाळा सुरू होणार आहे. सकाळपासूनच शाळांमध्ये विद्यार्थांची लगबग सुरू झाली आहे.

नव्या शैक्षणिक वर्षाची सुरुवात संस्मरणीय करण्यासाठी राज्यभर ‘शाळा प्रवेशोत्सव’ साजरा केला जाणार असून, विद्यार्थ्यांच्या स्वागतासाठी शाळांमध्ये विशेष तयारी करण्यात आली आहे.

शालेय शिक्षण विभागाने शाळेच्या पहिल्या दिवशी सर्व विद्यार्थ्यांचे उत्साहात स्वागत करण्याचे निर्देश दिले आहेत. त्यानुसार, विद्यार्थ्यांना फुले, पुष्पगुच्छ, चॉकलेट, शालेय साहित्य देऊन त्यांचे स्वागत केले जात आहे.  (School Reopen)

नव्या शैक्षणिक वर्षाच्या पहिल्याच दिवशी शाळांमध्ये सकारात्मक आणि चैतन्यमय वातावरण निर्माण करणे हा या उपक्रमाचा मुख्य उद्देश असल्याचे विभागाकडून स्पष्ट करण्यात आले आहे.   (School Reopen )

 

इयत्ता पहिलीत प्रवेश घेणाऱ्या विद्यार्थ्यांसाठी हा दिवस अधिक उत्सुकतेचा असतो. त्यामुळे विद्यार्थ्यांच्या मनातील भीती दूर करून शाळेविषयी आपुलकी निर्माण करण्यासाठी प्रवेशोत्सवाचे आयोजन करण्यात आले आहे.

यंदा राज्यपाल, मुख्यमंत्री, उपमुख्यमंत्री, मंत्री, खासदार, आमदार, स्थानिक लोकप्रतिनिधी, प्रशासकीय अधिकारी विविध शाळांना भेट देणार आहेत.

मुख्यमंत्री-उपमुख्यमंत्र्यांकडून विद्यार्थांचे स्वागत 

मुख्यमंत्री देवेंद्र फडणवीस यांनी देखील स्वत: पनवेल येथील वव्हाळ जिल्हा परिषदेच्या शाळेत उपस्थित राहून विद्यार्थांचे स्वागत केले आणि संवाद साधला. तसेच विद्यार्थांना भेटून आनंद वाटला अशी प्रतिक्रिया देखील त्यांनी दिली. तर मावळमधील शाळेत उपस्थित राहून उपमुख्यमंत्री सुनेत्रा पवार यांनी विद्यार्थांचे स्वागत केले.  School Reopen

हेही वाचा:

Urmila Matondkar: उर्मिला मातोंडकरपासून वेगळे झाल्यानंतर मोहसिन अख्तर मीरची नवी सुरुवात; दुसऱ्या लग्नाची सोशल मीडियावर चर्चा