बिजवडी  ( मधुकर गलांडे )- कर्मयोगी शंकरराव पाटील सहकारी साखर कारखान्याची निवडणूक नुकतीच बिनविरोध पार पडली होती. यामध्ये आज दिनांक २९ रोजी नूतन चेअरमन व व्हाईस चेअरमन पदाची निवड करण्यात आली.

यामध्ये माजी मंत्री हर्षवर्धन पाटील यांची चेअरमन पदी निवड झाली असून व्हाईस चेअरमन पदी भरत शहा यांची निवड झाली आहे.

कारखान्याची पंचवार्षिक निवडणूक नुकतीच बिनविरोध पार पडली, यामुळे नवीन निवडीकडे सर्व सभासदांचे लक्ष लागून होते. त्यातच आज पुन्हा एकदा माजी मंत्री हर्षवर्धन पाटील यांनी चेअरमन पदाची धुरा आपल्या हाती घेतली असून व्हाईस चेअरमन पदासाठी भरत शहा यांची निवड झाल्याने सभासदांमध्ये आनंदाचे वातावरण आहे. यावेळी सर्व नवनियुक्त संचालक उपस्थित होते.