School Bribe Scam : खासगी शाळांना परवाने आणि सरकारी मान्यता मिळवून देण्याच्या बदल्यात कथित १०० कोटी रुपयांचा भ्रष्टाचार केल्याच्या आरोपावरून तमिळनाडूचे माजी शालेय शिक्षणमंत्री आणि द्रमुकचे ज्येष्ठ नेते अंबिल महेश पोय्यामोझी यांना अटक करण्यात आली आहे. चेन्नई पोलिसांच्या सेंट्रल क्राईम ब्रँचने सोमवारी, २६ ऑक्टोबर रोजी ही कारवाई करण्यात आली आहे. (School Bribe Scam)

१७७ खासगी शाळांशी संबंधित कथित गैरव्यवहार

माजी मंत्री अंबिल महेश पोय्यामोझी यांच्यावर खासगी शिक्षण संस्थांना सरकारी मान्यता मिळवून देण्याचे आश्वासन देऊन मोठ्या प्रमाणावर पैसे घेतल्याचा आरोप आहे. या प्रकरणात सुमारे १७७ खासगी शाळांचा संबंध असल्याचा दावा तपासादरम्यान करण्यात आला आहे. (School Bribe Scam)

तपास अधिकाऱ्यांच्या दाव्यानुसार, डिजिटल उपकरणांमधून मिळालेला डेटा, विविध कागदपत्रे आणि चौकशीदरम्यान नोंदवलेल्या जबाबांच्या आधारे तपास पुढे नेण्यात आला. या प्रकरणी भ्रष्टाचार प्रतिबंधक कायद्यांतर्गत गुन्हा दाखल करून कारवाई करण्यात आली आहे. (School Bribe Scam)

अटकपूर्व जामिनाची याचिका फेटाळल्यानंतर कारवाई

अटकेपासून संरक्षण मिळावे यासाठी पोय्यामोझी यांनी मद्रास उच्च न्यायालयात अटकपूर्व जामिनासाठी याचिका दाखल केली होती. मात्र, न्यायमूर्ती व्ही. लक्ष्मीनारायण यांनी ही याचिका फेटाळली आहे. त्यानंतर पोलिसांनी त्यांना अटक केली. (School Bribe Scam)

याशिवाय, आपल्याविरोधात दाखल करण्यात आलेला प्रथम माहिती अहवाल (FIR) रद्द करण्यात यावा, यासाठीही त्यांनी न्यायालयात याचिका दाखल केल्याचे सांगितले जात आहे. (School Bribe Scam)

माजी मंत्र्यांकडून आरोप फेटाळले; द्रमुकचा सरकारवर निशाणा

अंबिल महेश पोय्यामोझी यांनी त्यांच्यावरील सर्व आरोप फेटाळून लावले आहेत. दुसरीकडे, द्रमुकने सत्ताधारी तमिळगा वेत्री कळघम (TVK) सरकारवर राजकीय वैमनस्यातून विरोधकांना लक्ष्य करण्यासाठी तपास यंत्रणांचा गैरवापर केल्याचा आरोप केला आहे. (School Bribe Scam)

Bribe Case : एक कोटींची लाच मागितल्याप्रकरणी बांधकाम विभागाच्या कार्यकारी अभियंत्याला अटक