Greater Noida News: उत्तर प्रदेशातील ग्रेटर नोएडा येथे एकाच कुटुंबातील ५ जणांचा संशयास्पदरित्या मृत्यू झाल्याने परिसरात खळबळ उडाली आहे. मृतांमध्ये आई-वडील आणि तीन मुलांचा समावेश आहे. सकाळी घरात कोणतीही हालचाल झाली नाही, तेव्हा या घटनेचा खुलासा झाला.

मृतांची ओळख महेश (३७), त्यांची पत्नी ललिता (३५), मुलगा लड्डू (११), मुलगी मिष्टी (७) आणि तीन वर्षांचा मुलगा साक्षात अशी आहे. दरम्यान, या घटनेची माहिती मिळताच स्थानिक पोलीस, वरिष्ठ अधिकारी, रुग्णवाहिका आणि अन्न व औषध सुरक्षा विभागाचे पथक घटनास्थळी पोहोचले.

मिळालेल्या प्राथमिक माहितीनुसार,  या कुटुंबातील सर्व सदस्यांचा मृत्यू हा कुठल्यातरी पदार्थाच्या सेवनामुळे झाला असल्याची शक्यता वर्तवली जात आहे. या कुटुंबाने शेवटच्या क्षणी चहा आणि मॅगी खाल्ली होती, असे सांगण्यात येत आहे. त्यानंतर संशयास्पद परिस्थितीत त्यांचा मृत्यू झाला. मात्र त्याला दुजोरा मिळू शकलेला नाही.

मात्र त्यांच्या मृत्यूचं नेमकं कारण अद्याप समोर आलेलं नाही. पोलिसांच्या फील्ड युनिट आणि फॉरेन्सिक टीमद्वारे घटनास्थळाची कसून पाहणी करून वैज्ञानिक पुरावे गोळा केले जात आहेत. पोलिसांनी सर्व पाचही जणांचे मृतदेह ताब्यात घेऊन शवविच्छेदनासाठी पाठवले आहेत. त्यानंतर एकाच कुटुंबातील पाचही जणांचा मृत्यू होण्यामागे नेमकं कारण काय आहे? हे शवविच्छेदन अहवालानंतर स्पष्ट  होईल. सध्या पोलीस इतर वैज्ञानिक तपासाच्या आधारे पुढील कायदेशीर कारवाई करत आहेत.

हेही वाचा: 

Bhamburdekar Jewellers : नवरात्रोत्सवानिमित्त सराफ बाजारात तेजी, भांबुर्डेकर ज्वेलर्समध्ये ग्राहकांची गर्दी