Amarinder Singh : पाच वर्षांपूर्वी काँग्रेसला रामराम, आता घरवापसी करणार? पंजाबच्या माजी मुख्यमंत्र्यांविषयी राहुल गांधींनी सांगितला तो किस्सा
Amarinder Singh : कॅप्टन अमरिंदर सिंह सध्या भाजपमध्ये आहेत. पाच वर्षांपूर्वी त्यांनी काँग्रेसला सोडचिठ्ठी देत पक्षातून बाहेर पडण्याचा निर्णय घेतला होता.

Amarinder Singh : काँग्रेसच्या ज्येष्ठ नेत्या सोनिया गांधी यांच्या ‘Belonging: A Journey of Love’ या पुस्तकाच्या प्रकाशन सोहळ्याची सध्या राजकीय वर्तुळात जोरदार चर्चा सुरू आहे. सोमवारी दिल्लीत पार पडलेल्या या कार्यक्रमाला भाजपमध्ये गेलेले पंजाबचे माजी मुख्यमंत्री कॅप्टन अमरिंदर सिंह यांनी हजेरी लावली.
विशेष म्हणजे, ते कार्यक्रमात पहिल्या रांगेत बसलेले दिसल्याने त्यांच्या काँग्रेसमधील घरवापसीच्या चर्चांना धाण आले आहे. पंजाब विधानसभा निवडणुकीच्या पार्श्वभूमीवर अमरिंदर सिंह पुन्हा काँग्रेसमध्ये प्रवेश करणार का, असा प्रश्न राजकीय वर्तुळातून उपस्थित केला जात आहे. मात्र, अमरिंदर सिंह यांनी या चर्चांना स्पष्ट शब्दांत फेटाळून लावले आहे.
पाच वर्षांपूर्वी काँग्रेसला केला होता रामराम
कॅप्टन अमरिंदर सिंह सध्या भाजपमध्ये आहेत. पाच वर्षांपूर्वी त्यांनी काँग्रेसला सोडचिठ्ठी देत पक्षातून बाहेर पडण्याचा निर्णय घेतला होता. त्यावेळी त्यांनी सात पानी पत्र लिहून तत्कालीन पक्षनेतृत्वावर गंभीर आरोप केले होते. सोनिया गांधी आणि त्यांच्या मुलांनी मध्यरात्री कट रचून आपल्याला पंजाबच्या मुख्यमंत्रिपदावरून हटवल्याचा आरोप त्यांनी केला होता. त्यामुळे गांधी कुटुंब आणि अमरिंदर सिंह यांच्यातील संबंध ताणले गेले होते.
राहुल गांधींनी सांगितला जुन्या भांडणाचा किस्सा
या पुस्तक प्रकाशन सोहळ्यात राहुल गांधी यांनी अमरिंदर सिंह यांच्या उपस्थितीचा उल्लेख करत एक जुना किस्सा सांगितला. ते म्हणाले, “आज या कार्यक्रमात मी अमरिंदर सिंह यांना पाहत आहे. आम्ही त्यांना राजीव गांधी आणि सोनिया गांधी यांच्याशी वाद घालताना पाहिले आहे. मी त्यांना भांडताना फक्त एकदाच पाहिले होते. माझे वडील अमरिंदर सिंह यांच्याशी बोलत होते. मी माझ्या आयुष्यात कोणत्याही घरात असं भांडण पाहिलं नव्हतं. माझे आई-वडीलही कधीकधी वाद घालत असत; मात्र त्यांच्यातही एकदाच एवढं मोठं भांडण झालं होतं.”
काँग्रेसमध्ये प्रवेश करणार का? अमरिंदर सिंह यांनी दिले उत्तर
दरम्यान, काँग्रेसमध्ये पुन्हा प्रवेश करण्याच्या चर्चांवर अमरिंदर सिंह यांनी स्पष्टीकरण दिले. ते म्हणाले की, त्यांनी स्वतःच्या पुस्तकाचे प्रकाशन केले होते, त्यावेळी सोनिया गांधी यांनी त्यांच्या पुस्तक प्रकाशनाच्या तीन कार्यक्रमांना उपस्थिती लावली होती. वेगवेगळ्या देशांमध्ये राजकीय विचारधारा बाजूला ठेवून नेते सामाजिक आणि साहित्यिक कार्यक्रमांमध्ये एकमेकांना भेटत असतात, असे त्यांनी स्पष्ट केले.
Satara: कोल्हापूरला एआयचा आरोग्य पहारा; सातार्याला मात्र प्रतीक्षा!





