Maharashtra Politics : खासदार भाऊसाहेब वाकचौरे यांनी पुन्हा एकदा उद्धव ठाकरे यांची साथ सोडल्याच्या पार्श्वभूमीवर संगमनेर तालुक्यात ठाकरे गटाच्या शिवसैनिकांनी तीव्र आंदोलन केले. संतप्त कार्यकर्त्यांनी वाकचौरे यांच्या प्रतिकात्मक पुतळ्याचे दहन करत त्यांच्या विरोधात जोरदार घोषणाबाजी केली. (Maharashtra Politics)

आंदोलनादरम्यान कार्यकर्त्यांनी खासदार वाकचौरे यांच्या छायाचित्राला साडी परिधान करून निषेध व्यक्त केला. त्यानंतर प्रतिकात्मक पुतळा जाळून पक्षाशी कथित गद्दारी केल्याचा आरोप करत संताप व्यक्त करण्यात आला. (Maharashtra Politics)

शिवसैनिकांनी यावेळी “गद्दारांचा निषेध असो” अशा घोषणांनी परिसर दणाणून सोडला. वाकचौरे यांनी उद्धव ठाकरे यांच्या नेतृत्वावर विश्वासघात केल्याचा आरोप करत कार्यकर्त्यांनी तीव्र नाराजी व्यक्त केली. (Maharashtra Politics)

दरम्यान, वाकचौरे यांच्या भूमिकेबाबत आणि सुरू असलेल्या राजकीय घडामोडींमुळे राज्यातील राजकारण तापले असून, आगामी काळात या प्रकरणावर आणखी राजकीय प्रतिक्रिया उमटण्याची शक्यता आहे. (Maharashtra Politics)

तसेच हिंगोलीचे खासदार नागेश पाटील आष्टीकर यांनी देखील उद्धव ठाकरेंची साथ सोडल्याचे बोलले जात आहे. मात्र, या संपूर्ण प्रकरणाला आता एक वेगळे वळण मिळाले आहे. नागेश पाटील आष्टीकर यांचे चिरंजीव कृष्णा पाटील आष्टीकर यांनी आपली पहिली प्रतिक्रिया आहे. (Maharashtra Politics)

वडिलांच्या कथित बंडखोरीच्या चर्चांवर अत्यंत आक्रमक भूमिका घेत कृष्णा पाटील आष्टीकर यांनी उद्धव ठाकरे यांच्यावर आपली निष्ठा जाहीर केली आहे. ते म्हणाले “मी महाविकास आघाडीचा उमेदवार आहे, आघाडीचा होतो आणि आघाडीचाच राहणार आहे. (Maharashtra Politics)

केवळ कुठली तरी बातमी आली म्हणून माझ्यावर शंका उपस्थित केली जात आहे. पण मी उद्धव साहेबांचा सच्चा शिवसैनिक आहे. हा पळून जाणारा गडी नसून मैदान मारणारा गडी आहे!” (Maharashtra Politics)

पुढे बोलताना त्यांनी विरोधकांवर निशाणा साधला आणि सांगितले की, “समोरच्यांना आमचे आव्हान पेलावत नसल्यामुळेच असा संभ्रम पसरवला जात आहे. जनतेने आणि कार्यकर्त्यांनी कोणत्याही भूलथापांना बळी पडू नये.” असे आवाहनदेखील त्यांनी केले आहे. (Maharashtra Politics)

एकीकडे 6 खासदार फुटल्याच्या बातम्यांमुळे ठाकरे गटात चिंतेचे वातावरण असताना, दुसरीकडे बंडखोर नेत्याच्याच घरातून पुत्राने उद्धव ठाकरेंसाठी दिलेली ही साथ सध्या राजकीय वर्तुळात प्रचंड चर्चेचा विषय ठरली आहे. आता खासदार नागेश पाटील आष्टीकर स्वतः यावर काय भूमिका (Maharashtra Politics) घेतात, याकडे सर्वांचे लक्ष लागले आहे. (Maharashtra Politics)