Someshwar Election Result: बारामती तालुक्यातील श्री सोमेश्वर सहकारी साखर कारखान्याच्या पंचवार्षिक निवडणुकीच्या मतमोजणीला सुरुवात झाली आहे. या निवडणुकीत उपमुख्यमंत्री सुनेत्रा पवार यांच्या नेतृत्वाखालील श्री सोमेश्वर विकासपुरुष अजितदादा पवार पॅनेलचे उमेदवार संग्राम सोरटे यांनी ब वर्ग गटातून विजय मिळवला.

संग्राम सोरटे यांनी ब वर्ग गटातून ९३ मते मिळवत विजय नोंदवला. या गटातून विद्यमान चेअरमन पुरुषोत्तम जगताप यांच्या नेतृत्वाखालील लोकनेते अजितदादा पवार सोमेश्वर पॅनेलचे महेश राणे निवडणूक लढवत होते. मात्र, या लढतीत सोरटे यांनी बाजी मारली.

मतमोजणीच्या पहिल्या निकालात संग्राम सोरटे यांनी विजय मिळवल्याने त्यांच्या समर्थकांमध्ये उत्साहाचे वातावरण आहे. या निवडणुकीसाठी सुमारे ८४ टक्के मतदान झाले होते.

तिरंगी लढत

दरम्यान, 21 जागांसाठी काल मतदान झालं, राष्ट्रवादीतून बंडखोरी करत पुरुषोत्तम जगताप यांनी भाजपच्या मदतीने पॅनल उभा केलं होतं, तर उपमुख्यमंत्री सुनेत्रा पवार यांच्या मार्गदर्शनाखाली राष्ट्रवादीचा पॅनल होतं तर दुसरीकडे राष्ट्रवादी काँग्रेस शरदचंद्र पवार पक्षाचे युगेंद्र पवार यांच्या मार्गदर्शनाखाली पॅनल उभा करण्यात आलं होतं, तिरंगी लढत झालेल्या या निवडणुकीत आता मतमोजणीदरम्यान इतर गटांचे निकाल काय लागतात, याकडे सभासदांसह राजकीय वर्तुळाचे लक्ष लागले आहे.

राष्ट्रवादी काँग्रेस (अजित पवार) पक्षात बंडखोरी केलेले पुरुषोत्तम जगताप यांनी वाणेवाडी येथून निवडणूक लढविली. त्यामुळे या गटाच्या निकालाकडे सर्वांचे लक्ष लागले आहे. त्यांच्याविरोधात राष्ट्रवादी (अजित पवार) पक्षाकडून विक्रम भोसले आणि राष्ट्रवादी काँग्रेस (शरद पवार) पक्षाकडून राजेंद्रकुमार जगताप हे उमेदवार आहेत.

अजित पवार यांच्या निधनानंतर सहकार क्षेत्रातील ही पहिलीच निवडणूक असल्याने सोमेश्वर कारखान्याच्या निवडणुकीला विशेष महत्त्व आहे. सुनेत्रा पवार यांनी आठ दिवस कार्यक्षेत्रात तळ ठोकला, तर जय पवार यांनी प्रचारासाठी दौरे केले आणि पार्थ पवार यांनी नियोजनाची जबाबदारी सांभाळली.

हेही वाचा: 

Budhi Gandaki flash flood: नेपाळला आलेल्या पुरामुळे अनेक घरं पूर्णपणे उद्ध्वस्त ; ‘अर्ली वॉर्निंग सिस्टम’मुळे शेकडो लोकांचे प्राण वाचले