Jammu and Kashmir : जम्मू-काश्मीरचा पहिला आंतरराष्ट्रीय चित्रपट महोत्सव श्रीनगरमध्ये ७ ते १० सप्टेंबर या कालावधीत आयोजित करण्यात येणार आहे. भारताच्या अत्यंत वैशिष्ट्यपूर्ण सांस्कृतिक पार्श्वभूमीवर चित्रपट निर्माते, क्षेत्रातील व्यावसायिक आणि प्रेक्षक यांना एकत्र आणण्याचे उद्दिष्ट असलेल्या या महोत्सवाला जगभरातील चित्रपट निर्मात्यांकडून उत्स्फूर्त प्रतिसाद मिळाला आहे.

आतापर्यंत सुमारे ५० देशांतून १,००० हून अधिक चित्रपटांच्या प्रवेशिका प्राप्त झाल्या आहेत; यावरून जम्मू-काश्मीर सरकारच्या या महत्त्वाकांक्षी चित्रपटविषयक उपक्रमाबद्दलची वाढती आंतरराष्ट्रीय उत्सुकता दिसून येते.

हा महोत्सव केंद्रशासित प्रदेशातील उदयोन्मुख चित्रपट निर्माते, कलाकार आणि चित्रपटसृष्टीतील इतर घटकांसाठी एक व्यासपीठ उपलब्ध करून देईल.

तसेच साधारण सत्तर ते ऐशीच्या दशकात हिंदी चित्रपटांसाठी काश्मीरच्या विविध भागात चित्रिकरण होत असे. एक प्रकारे हा चित्रपट महोत्सव जुन्या आठवणी जाग्या करणाराही ठरु शकतो.