FIR Against X: केरळ पोलिसांच्या सायबर शाखेने सोशल मीडिया प्लॅटफॉर्म ‘एक्स’ आणि त्याच्या एका हँडलविरोधात गुन्हा दाखल केला आहे. पंतप्रधान आणि निवडणूक आयोगाला ‘दिशाभूल करणाऱ्या आणि बदनामीकारक’ पद्धतीने चित्रित करणारा एक एआय-निर्मित व्हिडिओ व्हायरल झाल्याचा आरोप आहे. पोलिसांच्या म्हणण्यानुसार, त्यांना निवडणूक आयोगासह अधिकृत माध्यमांकडून या कथित आक्षेपार्ह मजकुराची माहिती मिळाली. जनतेची दिशाभूल होण्याची शक्यता FIR Against X तपासानंतर पोलिसांना , हा व्हिडिओ लोकांची दिशाभूल करू शकतो आणि घटनात्मक संस्थांच्या विश्वासार्हतेला धक्का पोहोचवू शकतो असे आढळून आले. पोलिसांनी पुढे बोलताना, अशा मजकुराचा मुक्त आणि निष्पक्ष निवडणूक प्रक्रियेवर परिणाम होऊ शकतो आणि म्हणूनच ही कारवाई गांभीर्याने घेण्यात आली आहे. पोलिसांनी तपास सुरू केला FIR Against X पोलिसांनी याविषयी, बुधवारी रात्री उशिरा तिरुवनंतपुरम शहरातील सायबर गुन्हे पोलीस ठाण्यात गुन्हा दाखल करण्यात आला असून, गुन्हेगारांना ओळखण्यासाठी आणि कायदेशीर कारवाई करण्यासाठी तपास सुरू करण्यात आला असल्याचे म्हटले. भारतीय दंड संहितेच्या कलम ३५२ (शांतता भंग करण्यास प्रवृत्त करण्याच्या उद्देशाने हेतुपुरस्सर अपमान करणे), ३३६ (बनावटगिरी), ३५३ (सार्वजनिक गोंधळास कारणीभूत ठरणारी विधाने), ३(५) (सामूहिक उद्देश), १७४ (निवडणुकीत अवाजवी प्रभाव टाकल्याबद्दल किंवा कोणत्याही व्यक्तीचे सोंग घेतल्याबद्दल शिक्षा) आणि माहिती तंत्रज्ञान कायद्याच्या कलम ६६सी (ओळख चोरी) अंतर्गत एफआयआर नोंदवण्यात आला आहे. FIR Against X: एफआयआरमध्ये काय नमूद आहे? FIR Against X एफआयआरनुसार, एक मिनिट आणि १७ सेकंदांचा व्हिडिओ समाजात दंगली भडकवण्याच्या उद्देशाने एका सोशल मीडिया प्लॅटफॉर्मवर पोस्ट करण्यात आला होता आणि अधिकाऱ्यांनी ती सामग्री काढून टाकण्याचे निर्देश देऊनही ‘X’ ने तो प्रसारित होऊ दिला. पोलिसांनी सांगितले की, माहिती तंत्रज्ञान कायदा आणि नियमांच्या संबंधित तरतुदींनुसार मध्यस्थ प्लॅटफॉर्मला आवश्यक कायदेशीर नोटीस बजावण्यात आली असून, त्यांना बेकायदेशीर सामग्री त्वरित काढून टाकण्याचे निर्देश देण्यात आले आहेत. पोलिसांनी सांगितले की, आदर्श आचारसंहिता आणि लागू असलेल्या कायदेशीर तरतुदींनुसार, केरळ पोलिसांच्या सायबर ऑपरेशन्स शाखेने व्हिडिओचा पुढील प्रसार रोखण्यासाठी तात्काळ उपाययोजना सुरू केल्या आहेत. दिशाभूल करणारी माहिती शेअर न करण्याचे पोलिसांचे आवाहन FIR Against X पोलिसांनी सांगितले, “सर्वसामान्य जनतेला योग्य ती खबरदारी घेण्याचा आणि विशेषतः निवडणुकीच्या काळात, पडताळणी न केलेली किंवा दिशाभूल करणारी माहिती तयार करणे, शेअर करणे किंवा पसरवणे टाळण्याचा सल्ला देण्यात येत आहे.” पोलिसांनी असेही सांगितले की, मुक्त आणि निष्पक्ष निवडणुकीत व्यत्यय आणण्याचा किंवा त्यावर प्रभाव टाकण्याचा प्रयत्न करणाऱ्या कोणत्याही कृतीविरोधात जलद, कायदेशीर आणि निष्पक्ष कारवाई केली जाईल.
