Karnataka | Naxalites Killed : कर्नाटकातील उडुपी जिल्ह्यातील करकला तालुक्यातील इडू गावाजवळ नक्षलविरोधी दलाने एका भयंकर नक्षलवाद्याला ठार केले. विक्रम गौडा असे मृत नक्षलवाद्याचे नाव आहे. राज्याचे गृहमंत्री जी. परमेश्वरा यांनी सांगितले की, एएनएफ गेल्या 20 वर्षांपासून विक्रम गौडाला पकडण्याचा प्रयत्न करत होती.

एटीएफने सोमवारी संध्याकाळी शोध मोहिमेदरम्यान नक्षलवाद्यांचा एक गट पाहिला. एएनएफ टीमला नक्षलवाद्यांनी पाहताच त्यांनी गोळीबार सुरू केला. एएनएफच्या पथकानेही प्रत्युत्तर देत नक्षलवादी विक्रम गौडा याला ठार केले. मात्र, यादरम्यान इतर नक्षलवादी पळून जाण्यात यशस्वी झाले.

परमेश्वरा म्हणाले की, विक्रम गौडा गेल्या दोन दशकांपासून दक्षिण भारतात नक्षलवादी कारवायांचे नेतृत्व करत होता. तो केरळ, तामिळनाडू आणि काही वेळा कर्नाटकातील कोडागु येथे लपून बसला होता. ताज्या घटनेत अचानक नक्षलवाद्यांनी पोलिसांवर गोळीबार सुरू केला.

पोलिसांनी प्रत्युत्तर दिल्याने तो ठार झाला. त्याच्यासोबत दोन-तीन नक्षलवादी होते जे पळून जाण्यात यशस्वी झाले. विक्रम गौडा एका राज्यातून दुस-या राज्यात फिरत होता. परंतु पोलिस त्याला अटक करण्यात अयशस्वी ठरले होते.