Father Kills Son In Delhi – राजधानी दिल्लीत जिम चालवणाऱ्या गौरव सिंघल नावाच्या व्यक्तीची हत्या करण्यात आल्याचे उघड झाले आहे. त्याच्यावर धारदार शस्त्राने तब्बल पंधरा वेळा वार करण्यात आल्याचे आढळून आले आहे. विशेष म्हणजे गौरव याचा विवाह सोहळा सुरू होता.  । Father Kills Son In Delhi

त्याच्या काही तास अगोदरच त्याचा मृतदेह आढळून आल्यामुळे खळबळ उडाली आहे. गौरवच्या पित्यानेच म्हणजे रंगलाल नावाच्या व्यक्तीने त्याची हत्या केल्याचे निष्पन्न झाले आहे व आपल्याला याचा मुळीच पश्‍चाताप नसल्याचे रंगलालने म्हटले आहे.

गौरवच्या विवाह सोहळ्याची धूम सुरू होती. तो अचानक गायब झाला होता. बराच वेळ त्याची वाट पाहिल्यानंतर शोध सुरू करण्यात आला. बांधकाम सुरू असलेल्या एका ठिकाणी त्याचा मृतदेह आढळून आला.

त्या ठिकाणी अनेक जणांचे पाउलांचे ठसे उमटले असल्यामुळे पोलिसांनी तपास सुरू केला आणि अखेर आरोपी हा गौरवचा पिताच असल्याचे उघड झाले. । Father Kills Son In Delhi

गौरवचे एका मुलीवर प्रेम होते आणि तिच्याशी त्याला लग्न करायचे होते. मात्र त्याच्या कुटुंबीयांना ते पसंत नव्हते. त्यामुळे स्वत:च्या इच्छेविरूध्द दुसऱ्या मुलीशी लग्न करण्याचा त्याच्यावर दबाव होता.

त्यातच त्याची हत्या झाली आहे. आपल्याला याची अजिबात वाईट वाटत नाही. खरेतर हे अगोदरच करायला हवे होते अशी प्रतिक्रिया आरोपीने पोलिसांच्या चौकशीत दिली आहे. । Father Kills Son In Delhi