farukh abdullah on pak। नॅशनल कॉन्फरन्सचे नेते फारुख अब्दुल्ला यांनी जम्मू-काश्मीरमधील गांदरबलमध्ये दहशतवाद्यांच्या भ्याड कारवायांवरून पाकिस्तानवर निशाणा साधला आहे. ते म्हणाले की, “आम्ही पाकिस्तानच्या राज्यकर्त्यांना सांगू इच्छितो की काश्मीर पाकिस्तान होणार नाही.”

फारुख म्हणाले, “ही अत्यंत वेदनादायक घटना आहे. गरीब मजुरांना क्रूरकर्म्यांनी शहीद केले. एका डॉक्टरलाही आपला जीव गमवावा लागला. आता सांगा या गरीबांना काय मिळणार? पाकिस्तान निर्माण होईल असे त्यांना वाटते का?” असा सवालदेखील त्यांनी यावेळी उपस्थित केला.

भारत-पाकिस्तान मैत्रीवर फारुख अब्दुल्ला काय म्हणाले? farukh abdullah on pak। 

ते म्हणाले, “ते (दहशतवादी) तिथून (पाकिस्तान) येत आहेत, आम्हाला हे प्रकरण संपवायचे आहे.” अडचणींवर मात करून पुढे जाऊया. मी पाकिस्तानच्या राज्यकर्त्यांना सांगू इच्छितो की, त्यांना भारताशी मैत्री हवी असेल तर हे सर्व थांबवावे लागेल. काश्मीर पाकिस्तान कधीच होणार नाही,” असा सज्जड दम देखील त्यांनी यावेळी भरला.

फारुख अब्दुल्ला म्हणाले, कृपया आम्हाला सन्मानाने जगू द्या, प्रगती करू द्या. किती दिवस आम्हांला अडचणीत टाकत राहणार? तुम्ही 47 पासून सुरुवात केली, निरपराधांना मारले. 75 वर्षात पाकिस्तान बनला नाही, तेव्हा आता बनणार का?” असा प्रश्न त्यांनी केला.

#WATCH | Gagangir terror attack | Srinagar, J&K: NC President Farooq Abdullah says, “This attack was very unfortunate… Immigrant poor labourers and a doctor lost their lives. What will the terrorists get from this? Do they think they will be able to create a Pakistan here… We… pic.twitter.com/2lHenWlMVk

— ANI (@ANI) October 21, 2024

जम्मू-काश्मीरचे माजी मुख्यमंत्री फारुख अब्दुल्ला पुढे म्हणाले की, “अल्लाहसाठी, तुमचा देश आणि प्रगती पहा. आम्हाला देवावर सोडा, आम्हाला संकटातून बाहेर पडायचे आहे, आम्हाला गरिबी आणि बेरोजगारीतून बाहेर पडायचे आहे. हे सर्व थांबवण्याची वेळ पाकिस्तानवर आली आहे.” असेही त्यांनी यावेळी म्हटले.

दहशतवादी हल्ला कधी झाला?  farukh abdullah on pak। 

रविवारी श्रीनगर-लेह राष्ट्रीय महामार्गावरील बोगद्याच्या बांधकामाच्या ठिकाणी दहशतवाद्यांनी केलेल्या हल्ल्यात एक डॉक्टर आणि सहा मजूर ठार झाले. अधिकाऱ्याने सांगितले की, गुंड, गंदरबल येथील बोगदा प्रकल्पावर काम करणारे कामगार आणि इतर कर्मचारी संध्याकाळी उशिरा त्यांच्या छावणीत परतत असताना अज्ञात दहशतवाद्यांनी हा हल्ला केला.