Farooq Abdullah । जम्मू आणि काश्मीरमध्ये १३ जुलै १९३१ रोजी डोगरा शासक हरि सिंह यांच्या विरोधात निदर्शनादरम्यान, श्रीनगर तुरुंगाबाहेर त्यांच्या सैन्याने केलेल्या गोळीबारात २२ जणांचा मृत्यू झाला. नॅशनल कॉन्फरन्स (एनसी) हा दिवस ‘शहीद दिवस’ म्हणून साजरा करू इच्छिते परंतु जिल्हा प्रशासनाने कार्यक्रमाला परवानगी दिली नाही.

एनसीने त्यांचे अध्यक्ष फारुख अब्दुल्ला आणि इतर वरिष्ठ नेत्यांच्या वतीने नवहट्ट येथील नक्षबंद साहिब स्मशानभूमीत श्रद्धांजली वाहण्याची योजना अर्ज करून व्यक्त केली होती. परंतु श्रीनगरच्या जिल्हा दंडाधिकाऱ्यांनी तो फेटाळून लावला आहे.

श्रीनगर पोलिसांकडून एक संदेश जारी Farooq Abdullah । 

श्रीनगर पोलिसांनी सोशल मीडियावर एक सार्वजनिक सूचना जारी केली ज्यामध्ये १३ जुलै रोजी ख्वाजा बाजार, नवहट्टाकडे जाणाऱ्या सर्व लोकांना परवानगी देण्यात आलेली नाही. यासोबतच प्रशासनाच्या सूचनांचे पालन करण्याचे आणि कोणत्याही प्रकारचे उल्लंघन टाळण्याचे आवाहन करण्यात आले. एका वृत्तसंस्थेच्या वृत्तानुसार, “पोलिसांनी आदेशांचे उल्लंघन झाल्यास कायद्यानुसार कठोर कारवाई केली जाईल असा इशारा दिला. एनसीने प्रशासनाच्या या हालचालीला ‘अत्यंत दुर्दैवी’ म्हटले आहे.”असे त्यांनी म्हटले.

१३ जुलै ही सामान्य तारीख नाही 

पक्षाचे मुख्य प्रवक्ते तन्वीर सादिक यांनी सोशल मीडियावर पोस्ट करताना, “१३ जुलै ही सामान्य तारीख नाही, ती आपल्याला सन्मान, न्याय आणि हक्कांच्या मागणीत दिलेल्या बलिदानांची आठवण करून देते.” असे त्यांनी म्हटले. ते पुढे म्हणाले की,”काश्मीरचे लोक त्यांच्या शहीदांना शांततेने, आदराने आणि अढळ भावनेने आठवत राहतील” असे त्यांनी म्हटले. जम्मू आणि काश्मीरच्या पुनर्रचनेपूर्वी हा दिवस सार्वजनिक सुट्टीचा दिवस होता, परंतु २०२० मध्ये तो राजपत्रित सुट्टीच्या यादीतून काढून टाकण्यात आला.

मेहबूबा मुफ्ती यांनी सभापतींवर निशाणा साधला  Farooq Abdullah । 

त्याच वेळी, पीडीपी प्रमुख मेहबूबा मुफ्ती यांनीही या मुद्द्यावर तीव्र हल्ला चढवला आहे. ते म्हणाले की,”विधानसभा अध्यक्ष अब्दुल रहीम राथेर यांनी प्रथम १३ जुलैला सुट्टी जाहीर करण्याचा पीडीपीचा प्रस्ताव नाकारला आणि नंतर तो देखील नाकारला, तर त्याच सभापतींनी आधीच दोन सरकारी प्रस्तावांना मान्यता दिली आहे. मेहबूबा यांनी सोशल मीडियावर बोलताना, “जेव्हा सभापतींनी त्यांच्या विवेकबुद्धीचा वापर करून पहिले दोन ठराव मंजूर केले, तेव्हा शहीदांना सन्मानित करण्याचा ठराव का थांबवण्यात आला? लोकांनी स्वतः निर्णय घ्यावा.” असे त्यांनी म्हटले.

गेल्या वर्षी, अनेक नेत्यांना स्मशानभूमीला भेट देण्यापासून रोखण्यासाठी त्यांना नजरकैदेत ठेवण्यात आले होते. दरम्यान, जम्मू आणि काश्मीर विधानसभेचे अध्यक्ष अब्दुल रहीम राथेर म्हणाले की, १३ जुलै रोजी सुट्टी जाहीर करण्याचा पक्षाचा ठराव सभागृहात मांडू दिला जात नाही, हा विरोधी पक्ष पीडीपीच्या प्रमुख मेहबूबा मुफ्ती यांचा आरोप निराधार आहे.