तेजस फडके

शिरुर :  एकीकडे दुष्काळाचे संकट, पाण्याची टंचाई आणि वाढत्या शेतीखर्चामुळे शेतकरी मेटाकुटीला आला असताना, विद्युत वाहिनीच्या संभाव्य बिघाडाने शेतकऱ्यांच्या तोंडचा घास हिरावून घेतला आहे. शिरूर तालुक्याच्या पूर्व भागातील पिंपळसुटी येथे विद्युत वाहिनीची तार तुटून शॉर्टसर्किट झाल्याने सुमारे १० एकर आडसाली ऊस जळून खाक झाले आहे.

ही घटना रविवार, दि. ११ ऑक्टोबर रोजी दुपारी अडीच वाजण्याच्या सुमारास घडली. या आगीत शेतकऱ्यांचे लाखो रुपयांचे नुकसान झाले असून, हातातोंडाशी आलेले पीक डोळ्यांदेखत जळताना पाहण्याची वेळ शेतकऱ्यांवर आली.

पिंपळसुटी येथील गट क्रमांक २७० आणि २७१ मधील तब्बल ४०० आर क्षेत्रावरील ऊस या आगीत भस्मसात झाला. शेतातून गेलेल्या महावितरणच्या मुख्य विद्युत वाहिनीची तार तुटल्याने आग लागल्याचा प्राथमिक अंदाज व्यक्त करण्यात येत आहे. Pune District

विद्युत वाहिन्यांच्या देखभालीचा प्रश्न पुन्हा ऐरणीवर

शेतकरी आणि स्थानिक नागरिकांनी आग आटोक्यात आणण्यासाठी प्रयत्न केले, मात्र आगीची तीव्रता अधिक असल्याने मोठे नुकसान झाले. याप्रकरणी शेतकरी रावसाहेब यशवंत फराटे (वय ६०) यांनी मांडवगण फराटा पोलीस चौकीत तक्रार दाखल केली आहे.

या घटनेमुळे विद्युत वाहिन्यांच्या देखभालीचा प्रश्न पुन्हा ऐरणीवर आला असून, नुकसानग्रस्त शेतकऱ्यांना तातडीने पंचनामा करून योग्य नुकसानभरपाई मिळणार का, याकडे सर्वांचे लक्ष लागले आहे. Pune District

Healthy Cooking Oils: ऑलिव्ह ऑईल महाग वाटतंय? हृदय निरोगी ठेवण्यासाठी स्वयंपाकात वापरा ‘हे’ ५ तेलांचे पर्याय!